ମହାରାଷ୍ଟ୍ର ପୁନେର ୨୪ ବର୍ଷ ବୟସ୍କ ଜାଭେଦ ଚୌଧୁରୀ ରବିବାର ୧୦ କିଲୋମିଟର ହାଫ୍ ମାରାଥନ୍ ଶେଷ କରିବା ପରେ ଖୁସିରେ ନାଚି ଉଠିଥିଲେ । ସେ ନାଚୁ ଥିବାର ଭିଡ଼ିଓ ଏବେ ଭାଇରାଲ ହେବାରେ ଲାଗିଛି ।

ପ୍ରକୃତ କଥା ହେଉଛି ଜାଭେଦ ଗତ ୩ ବର୍ଷ ତଳେ ଏକ ଦୁର୍ଘଟଣାରେ ଗୋଟିଏ ଗୋଡ଼ ହରାଇଥିଲେ । ତା ପରଠାରୁ ସେ ନିଜ ମନକୁ ଦୃଢ କରି ଆଗକୁ ବଢିଛନ୍ତି । ସେ ମାରାଥନରେ ଭାଗ ନେବା ସହ ସୁନ୍ଦର ଗିତାର ବଜାନ୍ତି । ନାଚରେ ବି ସେ ମାହିର ।

ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ପକ୍ଷରୁ ରବିବାର ଦିନ ୧୦ କିମିର ଏକ ହାଫ୍ ମାରାଥନ୍ ଆୟୋଜିତ କରାଯାଇଥିଲା । ଏଥିରେ ଜାଭେଦ ଭାଗ ନେଇଥିଲେ । ଦୁର୍ଘଟଣାରେ ଗୋଡ଼ ହରାଇବା ପୂର୍ବରୁ ଜାଭେଦ ଜଣେ କୋରିଓ ଗ୍ରାଫର ଭାବେ ପ୍ରସିଦ୍ଧି ଅର୍ଜନ କରିଥିଲେ । ଦୁର୍ଘଟଣା ପରେ ବି ସେ ଏହାକୁ ଜାରୀ ରଖିଛନ୍ତି । ଜାଭେଦ ନିଜେ ଜଣେ ଭଲ ଖେଳାଳୀ ମଧ୍ୟ । କିଛି ଦିନ ତଳେ ସେ ଇଣ୍ଟର ଷ୍ଟେଟ ହ୍ୱିଲ ଚେୟାର ବାସ୍କେଟବଲ ଟିମ୍ ଇଭେଣ୍ଟରେ ମେନ୍ ଅଫଦ ଟୁର୍ଣ୍ଣାମେଣ୍ଟ ବିଜୟୀ ହୋଇଛନ୍ତି ।