ଦେଶର ମୋଟ ୧୬ ହଜାର ଅଦାଲତ ମଧ୍ୟରୁ ୧୫ ପ୍ରତିଶତ ଅଦାଲତ ରେ ମହିଳାଙ୍କ ପାଇଁ ସ୍ୱତନ୍ତ୍ର ଶୌଚାଳୟ ନ ଥିବା ବେଳେ ଆମ ରାଜ୍ୟରେ ଏହାର ସ୍ଥିତି ଆହୁରି ଉଦବେଗଜନକ । ଓଡ଼ିଶାରେ ୬୦ ପ୍ରତିଶତ କୋର୍ଟ ପରିସର ରେ ମହିଳାଙ୍କ ପାଇଁ ଶୌଚାଳୟ ନିର୍ମାଣ କରାଯାଇନାହିଁ । ବିଧି ସେଣ୍ଟର ଫର ଲିଗାଲ ପଲିସୀ ପକ୍ଷରୁ କରାଯାଇଥିବା ସର୍ଭେ ରୁ ଏଭଳି ତଥ୍ୟ ମିଳିଛି। ସର୍ବୋଚ୍ଚ ନ୍ୟାୟାଳୟ ପକ୍ଷରୁ ଗତବର୍ଷ ନଭେମ୍ବର ରେ ଅନ୍ୟୁନ ଜିଲ୍ଲା ଅଦାଲତ ଗୁଡିକରେ ଶୌଚାଳୟ ନିର୍ମାଣ ଓ ମରାମତି ପାଇଁ ସ୍ୱଚ୍ଛ ପରିଯୋଜନା ଆରମ୍ଭ କରାଯାଇଥିଲା।ଅଦାଲତ ପରିସର ରେ ମହିଳାଙ୍କ ପାଇଁ ପୃଥକ ଶୌଚାଳୟ ନିର୍ମାଣ କ୍ଷେତ୍ର ରେ ଆନ୍ଧ୍ର ପ୍ରଦେଶ ସବୁଠୁ ପଛରେ ପଡିଛି। ଆନ୍ଧ୍ର ପ୍ରଦେଶ ରେ ୬୯ ପ୍ରତିଶତ ଅଦାଲତ ପରିସରରେ ଶୌଚାଳୟ ନ ଥିବା ଜଣାଯାଇଛି। ଆସାମ ରେ ଏହି ସଂଖ୍ୟା ୫୯ ପ୍ରତିଶତ ରହିଛି ।ମିଜୋରାମ ରେ ୧୩ ପ୍ରତିଶତ ଅଦାଲତ ରେ ମହିଳାଙ୍କ ପାଇଁ ଶୌଚାଳୟ ନ ଥିବା ବେଳେ ଝାରଖଣ୍ଡ ର ରାଜଧାନୀ ରାଞ୍ଚି ରେ ଉଭୟ ପୁରୁଷ ଓ ମହିଳା କାହାରି ପାଇଁ ହେଲେ ଶୌଚାଳୟ ନିର୍ମିତ ହୋଇନାହିଁ ।