ସଡ଼କ ଉପରେ ଛେପ ପକାଉଥିବା ଲୋକଙ୍କୁ ଶିକ୍ଷା ଦେବା ପାଇଁ ନଗର ନିଗମ କଠୋର ହୋଇଛି । ଯଦି କେହି ରାସ୍ତା ଉପରେ ଛେପ ପକାଏ ତେବେ ସେ ନିଜେ ଏହା ସଫା କରିବା ସହିତ ଦେଢ ଶହ ଟଙ୍କା ଜରିମାନା ଆଦାୟ କରାଯିବାର ନିଷ୍ପତ୍ତି ଶୁଣାଇଛି । ପୁନେ ମହାନଗର ନିଗମ ବର୍ଜ୍ୟ ପରିଚାଳନା ବିଭାଗର ମୁଖ୍ୟ ଜ୍ଞାନେଶ୍ୱର ମୋଳକ କହନ୍ତି ରାସ୍ତାରେ ଛେପ ପକାଉଥିବା ଲୋକଙ୍କୁ ଜରିମାନା ବାଧୁନଥିବା ଦୃଷ୍ଟିରୁ ତାଙ୍କ ଦ୍ୱାରା ସଡ଼କ ସଫେଇ କରାଯିବାର ନିଷ୍ପତ୍ତି ନିଆଯାଇଛି ।
ବିଗତ ୮ ଦିନ ଧରି ପାଂଚୋଟି ୱାର୍ଡ଼ରେ ନମୁନାମୂଳକ ଭାବେ ଏଭଳି ନିଷ୍ପତ୍ତିକୁ କାର୍ଯ୍ୟକାରୀ କରାଯାଇ ଆସୁଛି । ରାସ୍ତା ଉପରେ ଛେପ ପକାଇଥିବା ୧୫୬ ଲୋକଙ୍କୁ ଧରାଯିବା ସହ ଛେପ ସଫା କରାଯିବା ପାଇଁ କୁହାଯିବା ସହ ୧୫୦ ଟଙ୍କା ଲେଖାଏ ଜରିମାନା ଆଦାୟ କରାଯାଇଛି । ଯେଉଁମାନେ ଛେପ ପକାଇ ନିଜେ ସଫା କରିଛନ୍ତି ସେମାନେ ଆଉ କେବେ ବି ଏଭଳି କାମ କରିବାକୁ ପସନ୍ଦ କରିବେ ନାହିଁ ବୋଲି ଜ୍ଞାନେଶ୍ୱର କହିଛନ୍ତି ।
12/11/2018