ଲକଡାଉନ୍ ସ୍ଥିତିରେ ଜୀବନ ସୁରକ୍ଷା ସହ ଦୁର୍ବଳ ଶ୍ରେଣୀଙ୍କ ଜୀବିକାକୁ ଜିଲା ପ୍ରଶାସନ ଗୁରୁତ୍ୱ ଦେଇଛି । ବିଶେଷକରି ଜିଲାର ଦିନ ମଜୁରିଆ ଖଟିଖିଆ ଗରିବ ଓ ଏବେ ଘର ମୁହାଁ ହୋଇ ଜିଲାକୁ ଫେରୁଥିବା ବାହାର ରାଜ୍ୟ ଶ୍ରମିକଙ୍କୁ କାମ ଧନ୍ଦା ଯୋଗାଇ ଦେବାକୁ ପ୍ରଶାସନ ଆଗେଇ ଆସୁଛି । ଏହି ପରିପ୍ରେକ୍ଷୀରେ ପ୍ରଶାସନ ପକ୍ଷରୁ ସରକାରୀ କାର୍ଯ୍ୟ ଓ ବେସରକାରୀ ନିର୍ମାଣ କାର୍ଯ୍ୟକୁ ପୁଣି ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି । ଗତ ୨୯.୦୪.୨୦ ତାରିଖରେ ଅନୁଷ୍ଠିତ ବୈଠକରେ ଜିଲାପାଳ ସବୁ ଲାଇନ୍ ଡିପାର୍ଟମେଣ୍ଟକୁ ଡକାଇ ଶୀଘ୍ର କାର୍ଯ୍ୟ ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି । ମୁଖ୍ୟତଃ ମହାତ୍ମା ଗାନ୍ଧି ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନାର (ମନରେଗା) ଶ୍ରମ ଭିତ୍ତିକ କାର୍ଯ୍ୟକ୍ରମକୁ ଶୀଘ୍ର ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି । ସୂଚନାଯୋଗ୍ୟ ୨୦୨୦ ମନରେଗା ଯୋଜନାରେ ୧ ଲକ୍ଷ ୬୦ ହଜାର ଶ୍ରମ ଦିବସ ସୃଷ୍ଟି କରାଯିବା ପାଇଁ ଜିଲାରେ ଲକ୍ଷ୍ୟଧାର୍ଯ୍ୟ ରହିଛି । ଏଥିପାଇଁ ଜିଲାର ୭ ଟି ବ୍ଲକ୍ରେ ୩୩୦୦ ପ୍ରକଳ୍ପ ପାଖକୁ ହାତକୁ ନିଆଯାଇଛି । ବାସୁଦେବପୁର ବ୍ଲକ୍ରେ ୩୮୦ ପ୍ରକଳ୍ପର କାର୍ଯ୍ୟ କାରିତାରେ ୨୫ ହଜାର ଶ୍ରମ ଦିବସ ସୃଷ୍ଟି କରିବାର ଲକ୍ଷ୍ୟଧାର୍ଯ୍ୟ ଥିବାବେଳେ ଭଦ୍ରକ ବ୍ଲକ୍ରେ ୩୮୦ ପ୍ରକଳ୍ପ ପାଇଁ ୨୦ ହଜାର ଲୋକଙ୍କୁ କାମ ଯୋଗାଇ ଦିଆଯିବ । ସେହିପରି ଭଣ୍ଡାରିପୋଖରୀ ୧୫୦ ପ୍ରକଳ୍ପ ପାଇଁ ୧୦ ହଜାର, ବନ୍ତରେ ୬୫୦ ପ୍ରୋଜେକ୍ଟ ପାଇଁ ୩୦ ହଜାର, ଚାନ୍ଦବାଲିରେ ୬୦୦ ପ୍ରକଳ୍ପ ଜରିଆରେ ୩୫ ହଜାର, ଧାମନଗରରେ ୪୫୦ ପ୍ରୋଜେକ୍ଟରେ ୨୦ ହଜାର ଓ ତିହିଡି ବ୍ଲକ୍ରେ ୪୫୦ ପ୍ରକଳ୍ପ ଜରିଆରେ ୨୦ ହଜାର ଲୋକଙ୍କୁ କାମଧନ୍ଦା ଯୋଗାଇ ଦିଆଯିବ । ଗତ ଏପ୍ରିଲ ମାସରେ ଏହି ମନରେଗା ଯୋଜନାରେ ବାସୁଦେବପୁର ବ୍ଲକ୍ରେ କାର୍ଯ୍ୟକାରୀ ହୋଇଥିବା ୧୮୨ ଟି ପ୍ରକଳ୍ପ ଜରିଆରେ ୫୮ ହଜାର ୮୫୬ ଲୋକଙ୍କୁ କାମଧନ୍ଦା ଯୋଗାଇ ଦିଆଯାଉଥିବାବେଳେ ଭଦ୍ରକରେ ୪୮୬ ପ୍ରକଳ୍ପ ଜରିଆରେ ୭୭୩୩ ଲୋକଙ୍କୁ କାମଧନ୍ଦା ଯୋଗାଇ ଦିଆଯାଇଛି । ଭଣ୍ଡାରିପୋଖରୀରେ ୧୦୫ ପ୍ରକଳ୍ପ କାର୍ଯ୍ୟକାରିତାରେ ୩୩୮୪, ବନ୍ତରେ ୬୩୧ ପ୍ରକଳ୍ପରେ ୧୧୦୭୦, ଚାନ୍ଦବାଲିରେ ୩୩୧ ପ୍ରକଳ୍ପରେ ୬୫୯୨, ଧାମନଗରରେ ୩୨୦ ପ୍ରକଳ୍ପରେ ୮୨୨୯ ଓ ତିହିଡି ବ୍ଲକ୍ରେ ୩୫୮ ପ୍ରକଳ୍ପ ଜରିଆରେ ୬୯୭୮ ଲୋକଙ୍କୁ ମିଶାଇ ମୋଟ ୨୪୧୩ ପ୍ରୋଜେକ୍ଟ ଜରିଆରେ ୫୨ ହଜାର ୮୪୨ ଜଣ ଲୋକଙ୍କୁ କାମଧନ୍ଦା ଯୋଗାଇ ଦିଆଯାଇଛି ।
09/05/2020