ଚା ବଗିଚାରେ କାମ କରୁଥିବା ଜଣେ ଶ୍ରମିକଙ୍କ ପୁଅ ନିଜ ଭାଗ୍ୟ ନିଜେ ବଦଳାଇବାର ସଂକଳ୍ପ ନେଇ ଆଜି ୧୮୨ କୋଟି ଟଙ୍କାର ବ୍ୟବସାୟିକ କାରବାର କରୁଥିବା ଏକ କମ୍ପାନୀ ଠିଆ କରାଇ ପାରିଛନ୍ତି ।
ଏ କାହାଣୀ ଆଇଡ଼ି ଫ୍ରେଶ ଫୁଡ୍ସ ପ୍ରାଇଭେଟ ଲିମିଟେଡ଼ର ମାଲିକ ପିସି ମୁସ୍ତଫା ଙ୍କର । ମୁସ୍ତଫା ଇଡ଼ଲି ଓ ଦୋସା ବ୍ୟବସାୟ ଆରମ୍ଭ କରି ଆଜି ଏଭଳି ଲକ୍ଷ୍ୟ ହାସଲ କରିପାରିଛନ୍ତି । ତାଙ୍କ କମ୍ପାନୀ ପ୍ରସ୍ତୁତ କରୁଥିବା ପ୍ୟାକେଟ ଫୁଡ଼୍ ବିଦେଶରେ ଲୋକପ୍ରିୟ ହୋଇପାରିଛି । କମ୍ପାନୀ ରେଡ଼ିଟୁ ୟୁଜ୍, ରେଡ଼ିଟୁ କୁକ୍, ପ୍ରଡ଼କ୍ଟର ବ୍ୟବସାୟ କରୁଛି । ଏହାର ଉତ୍ପାଦ ଦେଶର ୮୫୦୦ ଷ୍ଟୋରରେ ଉପଲବ୍ଧ ହେଉଛି ।
ପିସି ମୁସ୍ତଫା କେରଳର ଏକ ଛୋଟ ଗାଁରୁ ଜନ୍ମଲାଭ କରି ବଢିଛନ୍ତି । ତାଙ୍କର ପିତା ଅହମ୍ମଦ କଫି ବଗିଚାରେ ଶ୍ରମିକ ଭାବେ କାମ କରୁଥିଲେ । ତାଙ୍କ ପିତା ଚାହୁଁଥିଲେ ମୁସ୍ତଫା ମଧ୍ୟ ତାଙ୍କ ପରି କାମ କରୁ । ମୁସ୍ତଫା କିନ୍ତୁ ଭିନ୍ନ ସ୍ୱପ୍ନ ଦେଖୁଥିଲେ ।
୨୨ ହଜାର ଟଙ୍କାରେ ମୁସ୍ତଫା ନିଜର ଦୋସା ଓ ଇଡ଼ଲି ବ୍ୟବସାୟ ଆରମ୍ଭ କରିଥିଲେ । ୨୦୦୮ରେ ଭଡ଼ା ଘରେ ନେଇ ଆରମ୍ଭ କରିଥିଲେ ବେଷ୍ଟ ଫୁଡ଼ସ ପ୍ରାଇଭେଟ ଲିମିଟେଡ଼ ନାମକ କମ୍ପାନୀ । ପରେ ଏହାର ନାମ ବଦଳାଇ ଆଇଡ଼ି ସ୍ପେସଲ ଫୁଡ଼୍ ପ୍ରାଇଭେଟ ଲିମିଟେଡ଼ ରଖିଲେ ।
17/10/2018