ଚୀନ ଏବଂ ପାକିସ୍ଥାନ ସହ ଯୁଦ୍ଧ ପରିସ୍ଥିତିରେ ଭାରତୀୟ ଆକାଶବାହିନୀ କେତେ ଶିଘ୍ର ଏବଂ କେତେ ଓଜନର ସାମଗ୍ରୀ ବା ଭାର ଉଠାଇ ପାରିବ ମଙ୍ଗଳବାର ଏହାର ସଫଳ ପରୀକ୍ଷଣ କରାଯାଇ ରେକର୍ଡ଼ ପ୍ରସ୍ତୁତ କରାଯାଇଥିଲା । ବାୟୁସେନା ୪୬୩ ଟନ୍ ସାମଗ୍ରୀ ଚଣ୍ଡିଗଡ଼ ଠାରୁ ଏୟାର ଲିଫ୍ଟ କରି ଲଦାଖର ଭିନ୍ନ ଭିନ୍ନ ଅଂଚଳରେ ପହଂଚାଇ ପାରିଛନ୍ତି ।
ବାୟୁସେନା ୬ ଘଣ୍ଟାରୁ କମ୍ ସମୟ ମଧ୍ୟରେ ୪୬୩ ଟନ୍ ସାମଗ୍ରୀ ପହଂଚାଇ ପାରିଥିବା ପରୀକ୍ଷଣରୁ ଜଣାଗଲା । ପୂର୍ବରୁ ୫୦୦ ଟନର ଏୟାର ଲିଫ୍ଟ କରିବାର ରେକର୍ଡ଼ ରହିଛି । ଦ୍ରୃତ ଗତିରେ ଏୟାର ଲିଫ୍ଟ କରିବାର କ୍ଷମତା ବଢିଥିବା କୁହାଯାଇଛି । ସାଧାରଣ ପରିସ୍ଥିତିରେ ପାଖାପାଖି ୩ହଜାର ଟନ୍ ଲୋଡ଼ ଏୟାରଲିଫ୍ଟ କରାଯାଇଥାଏ ।
ଏୟାର ମାର୍ଶାଲ ଏନଜେଏସ ଡ଼ିଲ୍ଲନଙ୍କ ତତ୍ତ୍ୱାବଧାନରେ ଏହି ଅପରେସନ ପୁରା କରାଯାଇଥିଲା । ସେ ନିଜ ପ୍ରତିକ୍ରିୟା ଦେଇ କହିଥିଲେ ଯେ ପବନରେ ଦୃତ ଗତି ଆଧୁନିକ ଯୁଦ୍ଧର ମୁଖ୍ୟ ଅଙ୍ଗ । ବାୟୁସେନାର ଏୟାର ଲିଫ୍ଟ କ୍ଷମତା ଯଥେଷ୍ଟ ବିଶ୍ୱସ୍ତନୀୟ ବୋଲି ସେ କହିଥିଲେ ।
19/12/2018