ସରକାରୀ ବିମାନସେବା ପ୍ରଦାନକାରୀ କମ୍ପାନୀ ଏୟାର ଇଣ୍ଡିଆ ନଭେମ୍ବର ୩୦ ତାରିଖରୁ ଦେଶର କେତେକ ବିମାନ ପଥରେ ବିଳମ୍ବିତ ରାତିରେ କମ୍ ମୂଲ୍ୟରେ ଯାତ୍ରୀଙ୍କୁ ଉଡ଼ାଣ ସୁବିଧା ଯୋଗାଇ ଦେବ । ଏୟାର ଇଣ୍ଡିଆର ସ୍ୱାଭାବିକ ଭଡ଼ା ଠାରୁ ଏହା ଶସ୍ତା ରହିବ । ଦିଲ୍ଲୀ-ଗୋଆ, ଦିଲ୍ଲୀ-କୋଏମ୍ବାଟୁର, ବେଙ୍ଗାଲୁର-ଅହମ୍ମଦାବାଦ ଭଳି ରୁଟରେ ଏହି ସେବା ଆରମ୍ଭ କରାଯିବାର ଯୋଜନା ରହିଛି ।
ବିଳମ୍ବିତ ରାତିରେ ଛାଡ଼ିବା ସହିତ ବଢି ଭୋରରୁ ଏହି ବିମାନ ଗୁଡ଼ିକ ଗନ୍ତବ୍ୟ ସ୍ଥଳରେ ପହଂଚିଥାଏ । ତେଣୁ ଏପ୍ରକାର ବିମାନ ସେବାର ଲୋକପ୍ରିୟତା ଆମେରିକା ଓ ଇଉରୋପରେ ଅଧିକ ରହିଛି । ଭାରତରେ ଏ ପ୍ରକାର ବିମାନ ଉଡ଼ାଣ ଆରମ୍ଭ ହେଲେ ଯାତ୍ରୀମାନେ ଟ୍ରାଫିକ ଜନିତ ସମସ୍ୟାରୁ ମୁକ୍ତି ପାଇବେ । ଏତଦ୍ ବ୍ୟତୀତ ସେମାନଙ୍କୁ ରାତି ରହଣୀ ନିମିତ୍ତ ହୋଟେଲର ଅତିରିକ୍ତ ଖର୍ଚ୍ଚରୁ ମୁକ୍ତି ମିଳିବ । ଦିନ ସାରା କାମ କରି ରାତିରେ ଫେରି ସକାଳୁ ପୁଣି କାମ କରିପାରିବେ ।
28/10/2018