ଗ୍ରୀନ୍ ପିସ ଏବଂ ଏୟାର ଭିଜୁଆଲର ମିଳିତ ଉଦ୍ୟମରେ ୱାଲ୍ଡ ଏୟାର କ୍ୱାଲିଟି ରିପୋର୍ଟ ନାମରେ ବାୟୁ ପ୍ରଦୂଷଣ ସଂପର୍କିତ ଏକ ନୁଆ ରିପୋର୍ଟ ପ୍ରକାଶ ପାଇଛି । ଏଥିରେ ବିଶ୍ୱର ୩୦ଟି ପ୍ରଦୂଷିତ ସହର ମଧ୍ୟରୁ କେବଳ ଭାରତର ୨୦ଟି ସହର ଥିବା ପ୍ରକାଶ ପାଇବା ପରେ ଏହାକୁ ନେଇ ବିଭିନ୍ନ ମହଲରୁ ଚିନ୍ତା ପ୍ରକଟ କରାଯାଇଛି ।
ଭାରତର ଗୁରୁଗ୍ରାମ ଏବଂ ଗାଜିୟାବାଦ ବିଶ୍ୱର ସବୁଠୁ ପ୍ରଦୂଷିତ ସହର ଭାବେ ସାମ୍ନାକୁ ଆସିଛି । ଫରିଦାବାଦ ଭିବାଡ଼ି ଏବଂ ନୋଏଡ଼ା ଦୁନିଆର ସବୁଠୁ ୬ ପ୍ରଦୂଷିତ ସହରମାନଙ୍କ ସୂଚୀରେ ଦିଲ୍ଲୀ ୧୧ ତମ ସ୍ଥାନରେ ରହିଛି । ଯଦି ବିଶ୍ୱର ପ୍ରଦୂଷିତ ରାଜଧାନୀ ଗୁଡ଼ିକୁ ବିଚାର କରିବା ତେବେ ନୂଆଦିଲ୍ଲୀ ନମ୍ବର ୱାନ ସ୍ଥାନରେ ପହଂଚିଯାଇଛି । ଗ୍ରୀନପିସ୍ ସାଉଥ ଇଷ୍ଟ ଏସିଆର କାର୍ଯ୍ୟନିର୍ବାହୀ ନିର୍ଦ୍ଦେଶକ ଏବ ସାନା କହନ୍ତି ବାୟୁ ପ୍ରଦୂଷଣ ଆମ ଭବିଷ୍ୟତ ଏବଂ ଜୀବିକାକୁ ଭୟଙ୍କର ବିପଦ ଘେରକୁ ଠେଲି ଦେଇଛି । ସ୍ୱାସ୍ଥ୍ୟ ଓ ଜୀବିକା ପାଇଁ ଯେଉଁ କ୍ଷତି ଘଟୁଛି ତାହା ଅକଳ୍ପନୀୟ ।
ବିଶ୍ୱର ୩୦୦୦ ସହରର ପ୍ରଦୂଷଣ ସ୍ଥିତି ଅନୁଧ୍ୟାନ ଆଧାରରେ ଏହି ରିପୋର୍ଟ ପ୍ରକାଶ ପାଇଥିବା ଗ୍ରୀନ ପିସ କହିଛି । ରିପୋର୍ଟରୁ ଜଣାପଡ଼ିଛି ଯେ ୨୦୧୩ ମସିହାରୁ ଚୀନରେ ପ୍ରଦୂଷଣ ସ୍ଥିତିରେ ୪୦ ପ୍ରତିଶତ ସୁଧାର ଆସିଥିବାବେଳେ ସବୁ ଦେଶ ଗୁଡ଼ିକୁ ଏଭଳି ସଫଳତା ମିଳିପାରିନାହିଁ ।
06/03/2019