ଗଂଜାମ ଜିଲ୍ଲାରେ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ମୁକାବିଲା ପାଇଁ କଟକଣାକୁ କଡ଼ାକଡ଼ି କରିଛି ପ୍ରଶାସନ । ସ୍ୱାସ୍ଥ୍ୟ ପରୀକ୍ଷାକୁ ବି ଗୁରୁତ୍ୱ ଦିଆଯାଉଛି । ଆଜିଠୁ ଅର୍ଥାତ ଜୁଲାଇ ୭ ତାରିଖ ମଙ୍ଗଳବାର ଠାରୁ ଜିଲ୍ଲାର ସହରାଞ୍ଚଳରେ ଆରମ୍ଭ ହେଉଛି ଡୋର୍ ଟୁ ଡୋର୍ ସ୍କ୍ରିନିଂ । ସ୍ୱାସ୍ଥ୍ୟ ବିଭାଗର ଟିମ୍ ଘରକୁ ଘର ବୁଲି ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରିବେ । ଯେଉଁ ସବୁ ଅଞ୍ଚଳରେ ସ୍କ୍ରିନିଂ ଅଭିଯାନ ଚାଲିବ ସେସବୁ ଅଞ୍ଚଳକୁ ତିନିରୁ ଚାରି ଘଣ୍ଟା ସଟଡାଉନ୍ କରାଯିବ । ଅକ୍ସି ମିଟର ସହ ଡୋର୍ ଟୁ ଡୋର୍ ସର୍ଭେ କରିବ ଟିମ୍ । ଲକ୍ଷଣ ଥିଲେ ନ ଲୁଚାଇ ସହଯୋଗ କରିବାକୁ ନିବେଦନ କରିଛି ଜିଲ୍ଲା ପ୍ରଶାସନ । ରାଜ୍ୟରେ କରୋନା ପ୍ରଭାବିତ ଜିଲ୍ଲାର ଶୀର୍ଷ ସ୍ଥାନରେ ରହିଛି ଗଞ୍ଜାମ ଜିଲ୍ଲା । ସଂକ୍ରମିତ, ଆକ୍ଟିଭ୍ ଓ ମୃତ୍ୟୁ ସଂଖ୍ୟାରେ ଆଗରେ ରହିଥିବା ଗଂଜାମ ଲୋକ ଏବଂ ପ୍ରସାଶନ ର ନିଦ ହଜାଇଛି । ଜିଲାରେ ସଂକ୍ରମଣ କୁ ରୋକିବା ଦିଗରେ ଆବଶ୍ୟକୀୟ ପରିଚାଳନା ପାଇଁ ରାଜ୍ୟ ସରକାର ଦୁଇ ଅତିରିକ୍ତ ଆଇ ଏ ଏସ ଅଧିକାରୀଙ୍କୁ ଜିଲାରେ ନିୟୋଜନ କରିଛନ୍ତି ।
07/07/2020