ଡ଼ିଜିଟାଲ ଇଣ୍ଡିଆ, ମେକ୍ ଇନ୍ ଇଣ୍ଡିଆ, ଷ୍ଟାର୍ଟ ଅପ ଇଣ୍ଡିଆ ପରି ବିଭିନ୍ନ ପ୍ରକାର ସ୍ମାର୍ଟ ଫଣ୍ଡା ଆପଣାଉଥିବା କେନ୍ଦ୍ରସରକାର ଏଣିକି ଦେଶରେ ବିଦ୍ୟୁତ ସଂସ୍କାର ପାଇଁ ଏକ ବଡ଼ ଯୋଜନା ନେବାକୁ ଯାଉଛନ୍ତି । ଏହା ଅନୁଯାୟୀ ପ୍ରଥମେ ବିଦ୍ୟୁତ ଉପଭୋକ୍ତା ଟଙ୍କା ପଇଠ କରିବେ ଓ ପରେ ବିଜୁଳି ଉପଭୋଗ କରିବେ । ଆଗରୁ ବିଜୁଳି ବ୍ୟବହାର କରି ପରେ ଅର୍ଥ ଦେବା ପରିବର୍ତ୍ତେ ଏଣିକି ପ୍ରଥମେ ଟଙ୍କା ଓ ପରେ ବିଜୁଳି ବ୍ୟବହାର କରିବେ । ଆକାଉଣ୍ଟରୁ ଟଙ୍କା ସରିଲେ ବିଦ୍ୟୁତ ସେବା ବନ୍ଦ ରହିବ ।
ସରକାରଙ୍କ ଏଭଳି ପଦକ୍ଷେପ ଯୋଗୁଁ ଏଗ୍ରିଗେଟ ଟ୍ରାନ୍ସ ମିଶନ ଏଣ୍ଡ କମର୍ସିଆଲ କ୍ଷତି କମିବ, ଶକ୍ତି ସଂରକ୍ଷଣକୁ ପ୍ରୋତ୍ସାହନ ମିଳିବ ଏବଂ ପାୱାର ସେକ୍ଟରରେ ସଂସ୍କାର ଆଣିବ । କାଗଜପତ୍ର ବିଲ୍ ଝାମେଲାରୁ ଉପଭୋକ୍ତାଙ୍କୁ ମୁକ୍ତି ମିଳିବ । ବିଲ୍ ପଇଠ କରୁନଥିବା ଗ୍ରାହକଙ୍କୁ ମିଳିବ ଉଚିତ୍ ଶିକ୍ଷା ।
ମୋବାଇଲ ରିଚାର୍ଜ, ଡ଼ିଟିଏଚ ଦେୟ, ଇଣ୍ଟରନେଟ ସେବା ପାଇଁ ଯେପରି ଆଗରୁ ପଇସା ଦେଇ ପରେ ବ୍ୟବହାର ହୁଏ ଠିକ୍ ସେପରି ବିଜୁଳି ପାଇଁ ପ୍ରଥମେ ଦେୟ ଦେଇ ବିଦ୍ୟୁତ ସେବା ପାଇ ହେବ ।
26/12/2018