ଉଜ୍ଜ୍ୱଳା ଯୋଜନା ଅନ୍ତର୍ଗତ ଗ୍ୟାସ କନେକ୍ସନ ନେଇଥିବା ଗରିବ ପରିବାର ଏବେ ବଡ଼ ସିଲିଣ୍ଡର କିଣି ହେଉଥିବା ଖର୍ଚ୍ଚ ଭାରରୁ ରକ୍ଷା ପାଇପାରିବେ । ସରକାର ଏବେ ବଡ଼ ସିଲିଣ୍ଡର ପରିବର୍ତ୍ତେ ଛୋଟ ସିଲିଣ୍ଡରର ବିକଳ୍ପ ଦେବାକୁ ଯାଉଛନ୍ତି । କୁହାଯାଉଛି ଯେ ବଡ଼ ସିଲିଣ୍ଡର ଅଧିକ ମୂଲ୍ୟ ହୋଇଥିବାରୁ ଏତେ ଟଙ୍କା ଦେଇ ଗରିବ ପରିବାର ଗ୍ୟାସ ଟାଙ୍କି କିଣିପାରୁନାହାନ୍ତି । ବିରୋଧୀ ଦଳ ପକ୍ଷରୁ ଅଭିଯୋଗ ହେଉଛି ଉଜ୍ଜ୍ୱଳା ହିତାଧିକାରୀମାନେ ଗ୍ୟାସ ସରିଯିବା ସତ୍ୱେ ଆଉ ସିଲିଣ୍ଡର ବଦଳାଇବା ପାଇଁ ସମର୍ଥ ହେଉନାହାନ୍ତି । ବହୁତ ଗରିବ ପରିବାର ଦ୍ୱିତୀୟ ଥର ସିଲିଣ୍ଡର ଭର୍ତ୍ତି କରିବାରୁ ବଂଚିତ ହେଉଛନ୍ତି । ଛୋଟ ସିଲିଣ୍ଡର ହେଲେ ସେମାନେ ଗ୍ୟାସ ଭର୍ତ୍ତି କରିବାକୁ ସମର୍ଥ ହୋଇପାରନ୍ତେ ।