ହରିୟାଣା ହିସାର ବ୍ଲକର ସରକାର ହାଇସ୍କୁଲରେ ପଂଚମ ଶ୍ରେଣୀ ଛାତ୍ରୀମାନେ ଅନ୍ୟ ସ୍କୁଲର ଛାତ୍ରୀମାନଙ୍କ ଠାରୁ ଢେର ଅଲଗା । କାରଣ ଏମାନେ ରବିବାର ସ୍କୁଲ ଯାଆନ୍ତି । ବାକି ପିଲାଙ୍କ ତୁଳନାରେ ଅଧିକ ଗୀତ ମୁଖସ୍ଥ କରିପାରନ୍ତି । ସ୍କୁଲରେ ପଢୁଥିବା ଜ୍ୟୋତି ନାମ୍ନୀ ୧୨ ବର୍ଷର ଛାତ୍ରୀ କହନ୍ତି ଆଗରୁ ମୋତେ ଗଣିତ ଆଦୌ ଆସୁନଥିଲା । ପାଠ ପଢିବାକୁ ଆଗ୍ରହ ହେଉନଥିଲା । ତଳ ଶ୍ରେଣୀର ପାଠ ଆସୁନଥିବାରୁ ପାଠ ପ୍ରତି ଏକ ପ୍ରକାର ଭୟ ଆସିଯାଇଥିଲା । ଏବେ ପାଠ ମୋ ପାଇଁ ମଜାଦାର । ଆମେ ଗୀତ ଗାଇ ଗାଇ ଜଟିଳ ପାଠ ମଜାଦାର ଢଙ୍ଗରେ ବୁଝିଥାଉ ବୋଲି ଜ୍ୟୋତି କହିଥିଲେ ।