କେନ୍ଦ୍ର ଗୃହ ରାଜ୍ୟମନ୍ତ୍ରୀ ହଂସରାଜ ଗଙ୍ଗାରାମ ଅହୀର ସାଇବର ସଂପର୍କିତ ଅପରାଧ ଗୁଡ଼ିକ ପାଇଁ ଏକ ଅନଲାଇନ ପୋର୍ଟାଲର ପ୍ରଚଳନ କରାଯିବ ବୋଲି ଗୁରୁବାର ସୂଚନା ଦେଇଛନ୍ତି । ଦିଲ୍ଲୀ ପୋଲିସ ଦ୍ୱାରା ଆୟୋଜିତ ବରିଷ୍ଠ ନାଗରିକଙ୍କ ପାଇଁ ସାଇବର ସୁରକ୍ଷା ଏବଂ ଡ଼ିଜିଟାଲ ସଚେତନତା କାର୍ଯ୍ୟକ୍ରମରେ ଅହୀର ସଚେତନତାକୁ ପ୍ରାଥମିକତା ଦେଇଛନ୍ତି । ପୋଲିସ ସହିତ ପ୍ରତ୍ୟେକ ନାଗରିକ ସଚେତିତ ହେଲେ ଯାଇ ସାଇବର ଅପରାଧରୁ ରକ୍ଷା ମିଳିବ ବୋଲି ସେ କହିଛନ୍ତି ।

ପୋଲିସ ଆଧୁନିକୀକରଣ ଏବଂ ସାଇବର ଅପରାଧ ଗୁଡ଼ିକର ମୁକାବିଲା କରିବା ପାଇଁ ୨୫ ହଜାର କୋଟି ଟଙ୍କାର ବ୍ୟୟ ବରାଦ କରାଯାଇଛି ବୋଲି ମନ୍ତ୍ରୀ ଅହୀର ସୂଚନା ଦେଇଥିଲେ । ଏ ଅବସରରେ ମନ୍ତ୍ରୀ ଦିଲ୍ଲୀରେ ପ୍ରଥମ ଥର ପାଇଁ ସାଇବର ଫରେନସିକ ଯାନର ଶୁଭାରମ୍ଭ କରିଥିଲେ । ଏହି ଯାନ ଘଟଣାସ୍ଥଳକୁ ତଦନ୍ତରେ ସହଯୋଗ ପାଇଁ ଯିବ ।