ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ୨୦୧୮ ଅଗଷ୍ଟ ୧୫ ଠାରୁ ପ୍ରଚଳନ ହେଲା । ଆଉ ଡ଼ିସେମ୍ବର ୧୫ ସୁଦ୍ଧା ଠିକ୍ ୪ ମାସ ମଧ୍ୟରେ ରାଜ୍ୟର ୧.୮୨ କୋଟି ଥର ଲୋକେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ରୋଗ ଚିକିତ୍ସା କରାଇଛନ୍ତି ବୋଲି ସ୍ୱାସ୍ଥ୍ୟମନ୍ତ୍ରୀ ସୂଚନା ଦେବା ପରେ ଏହାକୁ ନେଇ ବିତର୍କ ହୋଇଛି । ମନ୍ତ୍ରୀ କହିଛନ୍ତି ଯେ ୪.୦୫ ଲକ୍ଷ ରୋଗୀଙ୍କର ଅସ୍ତ୍ରୋପଚାର କରାଯାଇଛି । କ୍ୟାନସର ରୋଗୀଙ୍କ ୧୬୮୯୨ କେମୋଥେରାପି ହୋଇଛି । କିଡ଼ନୀ ଜନିତ ସମସ୍ୟା ଭୋଗୁଥିବା ରୋଗୀମାନଙ୍କ ୧୯୬୮୯ ଥର ଡ଼ାଏଲିସିସ୍ ସୁବିଧା ପ୍ରଦାନ କରାଯାଇଛି । ୭୧-୦୯ ଲକ୍ଷ ରୋଗୀଙ୍କୁ ପାଥୋଲୋଜି ସୁବିଧା ପ୍ରଦାନ ସହ ମୋଟ ୧,୮୨,୩୩,୭୩୩ ଜଣ ରୋଗୀ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ଲାଭ ଉଠାଇଥିବା କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ।