କର୍ଣ୍ଣାଟକ ମହୀଶୂର ନିବାସୀ ଡ଼ାକ୍ତର ପ୍ରଭୁଲିଙ୍ଗା ସ୍ୱାମୀ ସଙ୍ଗନାଲ ମାଥ ପ୍ୟାରିସରୁ ବାଙ୍ଗାଲୁର ଏୟାର ଫ୍ରାନ୍ସ ବିମାନରେ ଆସୁଥିବାବେଳେ ବିମାନର ଜଣେ ସହଯାତ୍ରୀ ହଠାତ୍ ଚେତାଶୂନ୍ୟ ହୋଇଯାଇଥିଲେ । ଏହାକୁ ଦେଖିବା ମାତ୍ରେ ଡ଼ାକ୍ତର ପ୍ରଭୁଲିଙ୍ଗାସ୍ୱାମୀ ତୁରନ୍ତ କ୍ୟାବିନ କ୍ରୁ ଜଣାଇ ଚିକିତ୍ସା କରିବା ପାଇଁ ପରାମର୍ଶ ଦେଲେ । ଏହି ଫ୍ଲାଇଟରେ ପ୍ରଭୁଲିଙ୍ଗା ଜଣେ ମାତ୍ର ଡ଼ାକ୍ତର ଥିଲେ ଓ ସଂଯୋଗକ୍ରମେ ବିମାନରେ ଯାତ୍ରା କରୁଥିଲେ । କ୍ୟାବିନ କ୍ରୁ ମେମ୍ବର ମାନଙ୍କ ମଧ୍ୟରୁ ଜଣେ ନର୍ସ ଥିଲେ । ଯିଏକି ଡ଼ାକ୍ତର ପ୍ରଭୁଲିଙ୍ଗ ସ୍ୱାମୀଙ୍କୁ ସେହି ସମୟରେ ସହାୟତା କରିଥିଲେ ।
ଡ଼ାକ୍ତର ପ୍ରଭୁଲିଙ୍ଗ ସ୍ୱାମୀ ଜଣେ ଅବସରପ୍ରାପ୍ତ ଡ଼ାକ୍ତର ଏବଂ ଅବସର ପରେ କୁବେମପୁନଗରରେ ନିଜର ଘରୋଇ କ୍ଲିନିକ ଚଳାଇଆସୁଛନ୍ତି । ସହଯାତ୍ରୀ ଜଣଙ୍କ ହୃଦସ୍ପନ୍ଦନ ଏକ ଦମ ଶିଥିଳ ହୋଇଯାଇଥିଲା । ସେ ଶ୍ୱାସ ନେଇପାରୁନଥିଲେ । ଡ଼ାକ୍ତର ତୁରନ୍ତ ତାଙ୍କୁ କାର୍ତିୟନ ମସାଜ ଦେଲେ ଏବଂ ଶ୍ୱାସ ଫେରିପାଇବାର ପ୍ରକ୍ରିୟା କଲେ । କିଛି ଘଣ୍ଟା ପରେ ରୋଗୀ ଚେତା ଫେରିପାଇଲା ଏବଂ କଥାବାର୍ତ୍ତା କରିବା ଆରମ୍ଭ କରିପାରିଲା । ପରେ ରୋଗୀକୁ ଜୁସ୍ ପିଇବା ପାଇଁ ଦିଆଗଲା । ବିମାନଟି ବାଙ୍ଗାଲୁରରେ ଅବତରଣ କରିବା ପରେ ଫ୍ଲାଇଟର କ୍ୟାପଟେନ ଡ଼ାକ୍ତରଙ୍କୁ ସାବାସୀ ଜଣାଇଥିଲେ । ଦୁଇଦିନ ପରେ ଏୟାର ଫ୍ରାନ୍ସ ପ୍ରଭୁଲିଙ୍ଗାସ୍ୱାମୀଙ୍କ ମାନବ ପଣିଆକୁ ପ୍ରଶଂସା କରିବା ସହିତ ୧୦୦ ୟୁରୋର ଅର୍ଥରାଶି ପ୍ରଦାନ କରିଥିଲା । ଡ଼ାକ୍ତର ପ୍ରଭୁଲିଙ୍ଗାଙ୍କ କହିବା କଥା ସେ ସମୟରେ ସେ ନିଜର କର୍ତ୍ତବ୍ୟ ହିଁ କରିଥିଲେ ।
12/12/2018