ଜଣେ ଅସହାୟ ଆଦିବାସୀ ଯୁବତୀଙ୍କୁ ବିବାହ କରାଇ ଦେବାରେ ସହଯୋଗର ହାତ ବଢାଇ ଦେଇ ଯାଜପୁର ରୋଡ଼ ଲାୟନ୍ସ କ୍ଲବ ଚର୍ଚ୍ଚିତ ହୋଇଛି । ସୂଚନା ଯୋଗ୍ୟ ଯେ ଆଦିବାସୀ ବେସାହାରା ଯୁବତୀ ଚାନ୍ଦିନୀ ମୁଣ୍ଡା(୨୨)ଙ୍କୁ ଯେତେବେଳେ ୫ ବର୍ଷ ହୋଇଥିଲା ସେତେବେଳେ ତାଙ୍କ ବାପା ମା ତାଙ୍କୁ ଏକାକୀ ଛାଡ଼ି କେଉଁଆଡ଼େ ପଳାଇଥିଲେ । ଜେଜେମା ଯମୁନା ମୁଣ୍ଡା ଚାନ୍ଦିନୀକୁ ପାଳି ପୋଷି ବଡ଼ କରିଥିବାବେଳେ ବିବାହ ଯୋଗ୍ୟା ଚାନ୍ଦିନୀକୁ ବିବାହ ଦେବାରେ ଆର୍ଥିକ ସମସ୍ୟାକୁ ନେଇ ଚିନ୍ତାରେ ଥିଲେ । ଏଭଳି ସୂଚନା ପାଇବା ପରେ ଲାୟନ୍ସ କ୍ଲବ ଚାନ୍ଦିନୀର ବିବାହ ଦାୟିତ୍ୱ ନିଜ କାନ୍ଧକୁ ନେଇଥିଲେ ।