ମୁମ୍ବାଇ ର ପଛୁଆ ଅଞ୍ଚଳ। ଏଠି ବାସ କରୁଥିବା ଲୋକେ ମୁଖ୍ୟତଃ ଉପେକ୍ଷିତ ଓ ଅବହେଳିତ ହୋଇ ରହିଥାନ୍ତି । ଯୋଜନାର ସୁଫଳ କ୍ଵଚିତ ପହଂଚିଥାଏ ।ସମସ୍ତ ସୁବିଧାରୁ ବଂଚିତ ଏହି ବସ୍ତି ବାସିନ୍ଦା ଙ୍କ କଥା ବର୍ଷ ବର୍ଷ ଧରି ସରକାର ଶୁଣୁ ନ ଥିବା ବେଳେ ଜଣେ ଚିତ୍ର ଶିଳ୍ପୀ କିନ୍ତୁ ସେମାନଙ୍କର ଘର ଆଉ ମନ କୁ ରଙ୍ଗୀନକରିଦେଇଛନ୍ତି। ବସ୍ତିରେ ଲୋକଙ୍କ ମାନସିକତା ବଦଳାଇବା ପାଇଁ ଛୋଟିଆ ପ୍ରୟାସ କରି ସ୍ଥାନୀୟ ଲୋକଙ୍କ ହୃଦୟ ଜୟ କରିଛନ୍ତି ଆର୍ଟିଷ୍ଟ ରୋବଲ ନାଗି।
ପଛୁଆ ଶ୍ରେଣୀର ଲୋକଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବା ପାଇଁ 'ମିଶାଲ ମୁମ୍ବାଇ' ନାମକ ଏକ ଅଭିଯାନ ଆରମ୍ଭ କରିଛନ୍ତି ସେ। ଏହି ଅଭିଯାନରେ ସେ ପୁନେରେ ଥିବା ଏକ ବସ୍ତିକୁ ସାମିଲ କରିଛନ୍ତି। ବସ୍ତିରେ ଥିବା 20ଟି ଘରର କାନ୍ଥରେ ସେ ଭରିଛନ୍ତି ରଙ୍ଗ। ରଙ୍ଗହୀନ ବସ୍ତିକୁ କରିଛନ୍ତି ରଙ୍ଗୀନ । ନାଗି ପ୍ରଥମେ ୨୦ ଟି ଘର ରଙ୍ଗ କରିବାର ପରିକଳ୍ପନା ନେଇ ବସ୍ତିରେ ପହଂଚିଥିଲେ ,ହେଲେ ସେଠାରେ ଲୋକଙ୍କ ଭଲ ପାଇବା ତାଙ୍କୁ ୨୦୦ ଘରେ ରଙ୍ଗ ଭରିବାର ଉତ୍ସାହ ଦେଇଥିଲା । ଘର ଗୁଡି଼କାରେ ରଙ୍ଗ ଲାଗିବ ପରେ ଏବେ ପରିମଳ ଓ ପରିଚ୍ଛନ୍ନତା ଫେରିଆସିଛି ।
09/03/2019