ଆପ୍ ଜରିଆରେ ଗାଡ଼ି ଉପଲବ୍ଧ କରାଇବାର ସେବା ପରେ ଏବେ ଓଲା କ୍ୟାବ୍ କ୍ୟାନସର ରୋଗୀମାନଙ୍କ ପାଇଁ ତାର ଗ୍ରାହକଙ୍କ ସେବା ମନୋବୃତ୍ତିକୁ ସାମ୍ନାକୁ ଆଣିଛି । ଓଲା ଏବେ ତାର ପ୍ରତିଟି ଭଡ଼ା ଶେଷରେ ଯାତ୍ରୀଙ୍କଠାରୁ ଟଙ୍କାଟିଏ ଲେଖାଏ ଅତିରିକ୍ତ ଅର୍ଥ ଆଦାୟ କରି କ୍ୟାନସର ରୋଗୀଙ୍କ ଚିକିତ୍ସା ପାଇଁ ଯୋଗାଇ ଦେବ ବୋଲି ନିଷ୍ପତ୍ତି ନେଇଛି । ଏଥିପାଇଁ କମ୍ପାନୀ ମାଇଁ ରାଇଡ଼, ମାଇଁ କଜ ନାମକ ଏକ ପ୍ରୟାସ ହାତକୁ ନେଇଥିବା ଜଣାଯାଇଛି । ଓଲା ଏଥିପାଇଁ ଟାଟା ଟ୍ରଷ୍ଟର ଅଲାମେଲୁ ଚାରିଟେବଲ ଫାଉଣ୍ଡେସନ ସହ ହାତ ମିଶାଇଛି ।
ଆମ ଦେଶରେ କ୍ୟାନସର ପୀଡ଼ିତଙ୍କ ସଂଖ୍ୟା ବଢିବାରେ ଲାଗିଛି । କେବଳ ୨୦୧୭ରେ କ୍ୟାନସରର ୧୪.୫ ଲକ୍ଷ ରୋଗୀ ସାମ୍ନାକୁ ଆସିଛନ୍ତି । କ୍ୟାନସର ରୋଗୀମାନଙ୍କ ପାଇଁ ଭିତିଭୂମିର ଅଭାବ, ବିଶେଷଜ୍ଞଙ୍କ ଅଭାବ ଓ ଆର୍ଥିକ ବାଧକ ବଡ଼ ସମସ୍ୟା ଭାବେ ଠିଆ ହୋଇଛି । ଏହି ଦୃଷ୍ଟିରୁ ଓଲା ଏଭଳି ଏକ ପ୍ରୟାସ ହାତକୁ ନେଇଛି । ଭାରତରେ ଦୈନିକ ୧୦ ଲକ୍ଷ ଓଲା କ୍ୟାବ୍ ବ୍ୟବହାର ହୋଇଥାଏ । ଏହାଦ୍ୱାରା ଦୈନିକ ୧୦ ଲକ୍ଷ ଟଙ୍କା ସଂଗ୍ରହ ହୋଇ କ୍ୟାନସର ରୋଗୀଙ୍କୁ ପ୍ରଦାନ କରାଯାଇପାରିବ ।
16/07/2018