ଦେଶର ସବୁଠୁ ବଡ଼ ବ୍ୟାଙ୍କ ଦୁର୍ନିତୀର କ୍ଷତ ଏବଂ ଏହାର ଯନ୍ତ୍ରଣା ଭୋଗୁଥିବା ପିଏନବି ନିଜର ଘା ଶୁଖାଇବା ପାଇଁ ଉପାୟ ଖୋଜୁଛି । ନିଜର ଫସି ରହିଥିବା ଟଙ୍କା କିଭଳି ଫେରିପାଇବ ତାହାକୁ ନେଇ ନାନା ଉପାୟ ଚିନ୍ତା କରାଯାଉଛି । ଏଭଳି ସ୍ଥିତିରେ ବ୍ୟାଙ୍କ ନିଜର କିଛି ପୁରୁଣା ଓ ଅବ୍ୟବହୃତ ସମ୍ପତ୍ତି ବିକ୍ରୀ କରିବାର ପ୍ରୟାସ କରୁଛି । ବିକ୍ରୀ ପ୍ରକ୍ରିୟା ଆରମ୍ଭ ହୋଇଯାଇଛି । ଏପରି ବିକ୍ରୀରୁ ବ୍ୟାଙ୍କ ୮୦୦କୋଟି ଟଙ୍କା ପାଇବ ବୋଲି ଆଶା ରଖିଛି ।

ନୁଆଦିଲ୍ଲୀରେ ଥିବା ପଞ୍ଜାବ ନ୍ୟାସନାଲ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ ବିକ୍ରୀ ହେବାର ପ୍ରକ୍ରିୟା ଆରମ୍ଭ ହୋଇଛି । ଦକ୍ଷିଣ ଦିଲ୍ଲୀର ଏହି ଯାଗାକୁ ନେଇ ବଜାରରେ ଚଢା ଚାହିଦା ରହିଛି । ଏହି କୋଠା ୮୦୦ କୋଟି ଟଙ୍କାର ମୂଲ୍ୟାଙ୍କନ କରାଯାଇଛି । ପିଏନବି ବର୍ଷର ପ୍ରଥମ ତ୍ରୟୋମାସରେ ୭୭୦୦ କୋଟି ଟଙ୍କାର ବକେୟା ଅସୁଲ କରିଛି । ବ୍ୟାଙ୍କ ଧିରେ ଧିରେ ଅଣ୍ଟା ସଳଖିବାକୁ ପ୍ରୟାସ କରୁଛି ।