ଆଉ ଗୋଟିଏ ଦିନ ପରେ ଆଲୋକର ପର୍ବ ଦୀପାବଳି । ଉତ୍ସବକୁ ପାଳିବା ପାଇଁ ଗାଁ ଠୁ ସହର ଚାରିଆଡ଼େ ଦେଖିବାକୁ ମିଳୁଛି ପ୍ରସ୍ତୁତିରେ ଉତ୍ସାହ । ଏହି ପର୍ବକୁ ନିଆରା ଭାବେ ମନାଇବା ପାଇଁ ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ନିକଟରେ ପହଂଚି ଯାଇଛି ‘ୟୁଥ୍ ଫର ସେବା’ ନାମକ ଏକ ସାମାଜିକ ସଂଗଠନ । ବିଦ୍ୟାର୍ଥିମାନେ ଦମର ସହିତ ମାଟି ଦୀପରେ ରଙ୍ଗ ଭରିବାର କାମରେ ମାତି ଯାଇଛନ୍ତି । ପରିବେଶକୁ ସୁହାଇଲା ଭଳି ଏହି ଦୀପ ଦୀପାବଳୀକୁ ସରସ କରାଇବ । ମାଟିରେ ଦୀପ ତିଆରି ଓ ଦୀପକୁ ରଙ୍ଗୀନ କରିବା କାର୍ଯ୍ୟକ୍ରମର ନାମ ଦିଆଯାଇଛି ‘ପେଇଣ୍ଟ ଦିୟା’ । ଦିବ୍ୟାଙ୍ଗ ବିଦ୍ୟାର୍ଥିମାନେ ଦୀପ ଗୁଡ଼ିକୁ ରଙ୍ଗାୟିତ କରିବା ପରେ ଏହା ବିକ୍ରୀ ପାଇଁ ବଜାରରେ ଉପଲବ୍ଧ ହେବ ବୋଲି ସଂଗଠନର ସଂଯୋଜକ କହିଛନ୍ତି ।