ସ୍ୱୟଂ ସହାୟକ ଦଳ ଗୁଡ଼ିକୁ ସଶକ୍ତ କରାଇବା ପାଇଁ ବିଭିନ୍ନ ବିଭାଗ ଭିନ୍ନ ଭିନ୍ନ ସହାୟତା କରୁଥିବାବେଳେ ଶକ୍ତି ବିଭାଗ ବିଦ୍ୟୁତ ଦେୟ ଆଦାୟ ପାଇଁ ମହିଳା ସ୍ୱୟଂ ସହାୟକ ଗୋଷ୍ଠୀକୁ ନିୟୋଜିତ ପାଇଁ ପ୍ରକ୍ରିୟା ଆରମ୍ଭ କରିଛି ।
ସ୍ୱୟଂ ସହାୟକ ଦଳର ସଦସ୍ୟମାନେ ଘର ଘର ବୁଲି ଏଣିକି ବିଦ୍ୟୁତ ବିଲ୍ ଦେବା ସହ ବିଦ୍ୟୁତ ଶୁଳ୍କ ଆଦାୟ କରିବେ । ସାଉଥ୍ କୋ ପକ୍ଷରୁ ଏହାର ଶୁଭାରମ୍ଭ କରାଯାଇଛି । ବ୍ରହ୍ମପୁର ସହରରେ ବିଦ୍ୟୁତ ବିଭାଗର ବିଦ୍ୟୁତ ବିଲ ଏବଂ ଶୁଳ୍କ ଆଦାୟ ଦାୟିତ୍ୱ ସାଉଥ କୋ ପକ୍ଷରୁ ମହିଳା ସ୍ୱୟଂ ସହାୟକ ଦଳକୁ ପ୍ରଦାନ କରାଯାଇଛି । ଏ ଅବସରରେ ଆୟୋଜିତ ସଭାରେ ଗୋପାଳପୁର ବିଧାୟକ ପ୍ରଦୀପ କୁମାର ପାଣିଗ୍ରାହୀ ଯୋଗ ଦେଇ କାର୍ଯ୍ୟର ଶୁଭାରମ୍ଭ କରିଥିଲେ ।
ସୂଚନା ଯୋଗ୍ୟ ଯେ ନୟାଗଡ଼ ଜିଲ୍ଲାରେ ଅନୁରୂପ ଦାୟିତ୍ୱ ଦେଇ ସେସୁ ଓ ଫେଡ଼କୋ କୁ ସଫଳତା ମିଳିଛି । ବକେୟା ବିଦ୍ୟୁତ ଦେୟ ଆଦାୟରେ ନୟାଗଡ଼ରେ ସ୍ୱୟଂ ସହାୟକ ଦଳର ଏଭଳି ସଫଳତା ଲକ୍ଷ୍ୟ କରାଯିବା ପରେ ଗଞ୍ଜାମରେ ଏହାକୁ ଆରମ୍ଭ କରାଯାଇଛି ।
15/01/2019