ଯଦି ଆପଣ ଭାରତୀୟ ରେଳରେ ଯାତ୍ରା କରୁଛନ୍ତି ଏବଂ ଆପଣ କୋଚ, ଟଏଲେଟ କିମ୍ବା ଷ୍ଟେସନର ପରିମଳ ବ୍ୟବସ୍ଥାରେ ଅସନ୍ତୁଷ୍ଟ ତେବେ ଆପଣ ହ୍ୱାଟ୍ସଆପର ଏକ ନିର୍ଦ୍ଦିଷ୍ଟ ନମ୍ବରରେ ତାର ଫଟୋଟିଏ ଉଠାଇ ପଠାଇ ଦିଅନ୍ତୁ କାର୍ଯ୍ୟାନୁଷ୍ଠାନ ହେବ । ଏପରି ପଦକ୍ଷେପ ନେଇଛି ପଶ୍ଚିମ ରେଳ ।

ପଶ୍ଚିମ ରେଳ ପକ୍ଷରୁ ୯୦୦୪୪୯୯୭୩୩ ହ୍ୱାଟ୍ସଆପ ନମ୍ବର ଜାରୀ କରାଯାଇ ଅପରିଷ୍କାର ସ୍ଥାନ ଗୁଡ଼ିକର ଫଟୋ ପଠାଇବା ପାଇଁ ଯାତ୍ରୀମାନଙ୍କୁ ନିବେଦନ କରାଯାଇଛି ।

ପଶ୍ଚିମରେଳର ମୁଖ୍ୟ ଲୋକସଂପର୍କ ଅଧିକାରୀ ରବିନ୍ଦର ଭାସ୍କର କହିଛନ୍ତି ଯେ ଏହି ଯୋଜନା ବଡ଼ୋଦରା ଡ଼ିଭିଜନରେ ସଫଳତା ପୂର୍ବକ କାର୍ଯ୍ୟାନ୍ୱୟନ ହୋଇପାରିଛି । ଏହି କାରଣରୁ ପଶ୍ଚିମରେଳର ସମସ୍ତ ଡ଼ିଭିଜନରେ ଆରମ୍ଭ କରାଯିବାର ନିଷ୍ପତ୍ତି ନିଆଯାଇଛି । ଯାତ୍ରୀମାନଙ୍କ ସ୍ୱାଚ୍ଛନ୍ଦ୍ୟକୁ ପ୍ରାଥମିକତା ଦେଉଥିବା ରେଳ ବିଭାଗ ଯାତ୍ରୀଙ୍କ ଭାଗୀଦାରିତା ସହ ନିଜ ଉତ୍ତରଦାୟିତ୍ୱତା ନିର୍ବାହ ପାଇଁ ଏଭଳି ସୁଟ ଆର୍ଟ ଦ ରେଟ ସାଇଟ ଅଭିଯାନ ଆରମ୍ଭ କରିଛି ।