ପ୍ରଦର୍ଶନୀ ପଡ଼ିଆରେ ହେବ ରାଜ୍ୟସ୍ତରୀୟ ସ୍ୱାଧୀନତା ଦିବସ,ଭାଗ ନେବେନି ଛାତ୍ର ଛାତ୍ରୀ କିମ୍ବା ଦର୍ଶକ
ଚଳିତ ଥର ଭୁବନେଶ୍ୱର ପ୍ରଦର୍ଶନୀ ପଡିଆରେ ହେବ ରାଜ୍ୟ ସ୍ତରୀୟ ଅଗଷ୍ଟ ୧୫ ସମାରୋହ । କରୋନା ମହାମାରୀ ସଂକ୍ରମଣ ଠାରୁ ଜନଗଣଙ୍କୁ ସୁରକ୍ଷା ଦେବା ପାଇଁ ଚଳିତ ଥର ମହାତ୍ମା ଗାନ୍ଧୀ ମାର୍ଗ ବଦଳରେ ୩ ନମ୍ବର ପ୍ରଦର୍ଶନୀ ପଡିଆରେ ସ୍ୱାଧୀନତା ଦିବସ ପାଳନ କରାଯିବ । କରୋନା କଟକଣା ଯୋଗୁ ପୂର୍ବ ବର୍ଷମାନଙ୍କ ପରି ପରେଡ ଅନୁଷ୍ଠିତ ହେବ ନାହିଁ । ପରେଡ୍ରେ ସାମିଲ ହେବେନି କୌଣସି ଛାତ୍ରଛାତ୍ରୀ କି ଦର୍ଶକ । ପୋଲିସ ବ୍ୟାଣ୍ଡ ପାର୍ଟି ଜାତୀୟ ସଙ୍ଗୀତ ପରିବେଷଣ କରିବେ । ବ୍ୟାଣ୍ଡ ପାର୍ଟି ସହ ୩ଟି ପୋଲିସ ବାହିନୀର ଟ୍ରୁପ୍ମାନେ ଜାତୀୟ ପତାକା ଏବଂ ମୁଖ୍ୟ ଅତିଥିଙ୍କୁ ଅଭିବାଦନ ଜଣାଇବେ । ଦିବସ ପାଳନର ଲାଇଭ ଚିତ୍ର କମନଫିଡ ମାଧ୍ୟମରେ ସମସ୍ତ ଗଣମାଧ୍ୟମକୁ ସଂଯୋଜିତ କରାଯିବ । ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜାତୀୟ ଦିବସ ପାଳନ କମିଟି ବୈଠକରେ ଏହି ନିଷ୍ପତ୍ତି ହୋଇଛି । ପ୍ରସ୍ତୁତି ଓ ପାଳନ ସମୟରେ ସାମାଜିକ ଦୂରତା ଓ ସ୍ୱଚ୍ଛାତା ପ୍ରତି ଧ୍ୟାନ ଦେବାକୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି ।
30/07/2020