ପୋଲିସ କମିସନରଙ୍କ ଚେତାବନୀ,ମାସ୍କ ପିନ୍ଧୁନଥିବା ଲୋକଙ୍କ ଠାରୁ ଆଦାୟ ହେବ ଅଧିକ ଜୋରିମାନା
ଆଗାମୀ ଦିନରେ କରୋନା ଜନିତ ସମସ୍ୟାର ସମାଧାନ ହେବ । ନିୟମ ନମାନିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ପୋଲିସ କମିଶନର ଡ. ସୁଧାଂଶୁ ଷଢଙ୍ଗୀ । ପୋଲିସ କମିଶନର କହିଛନ୍ତି ଯେ, ଏବେସୁଦ୍ଧା ଟ୍ୱିନସିଟିରେ ୧ଲକ୍ଷ ୮୦ ହଜାର ଲୋକଙ୍କଠାରୁ ଫାଇନ୍ ଆଦାୟ କରାଯାଇଛି । ଏବେ ଟ୍ୱିନସିଟିରେ କରୋନା ପିକ୍ରେ ଅଛି । ଏଭଳି ପରିସ୍ଥିତିରେ ପୋଲିସ ତାର କର୍ତ୍ତବ୍ୟ କରୁଛି । ଭୁବନେଶ୍ୱରରେ ଏବେ ବିଭିନ୍ନ ଜୋନ୍ କରି କରୋନା ସ୍ଥିତି ନିୟନ୍ତ୍ରଣ କରାଯାଉଛି । ଜୀବନଜୀବିକା ଉପରେ ଗୁରୁତ୍ୱ ଦେଇ ପୋଲିସ ତାହାର କାମ କରୁଛି ।ସେ ଆହୁରି କହିଛନ୍ତି ଯେ, ଲୋକମାନେ ଜାଣିଶୁଣି ଦୋକାନ ଆଗରେ ଭିଡ କରନ୍ତୁ ନାହିଁ । ଦୋକାନୀ ଭିଡ ନିୟନ୍ତ୍ରଣ କରିନପାରିଲେ ପୋଲିସକୁ ଜଣାଇବାକୁ ସେ କହିଛନ୍ତି । ଅନେକ ଶିକ୍ଷିତ ଲୋକ ମାସ୍କ ପିନ୍ଧୁ ନାହାଁନ୍ତି । ନିୟମ ନମାନିଲେ ଜରିମାନା ରାଶି ବୃଦ୍ଧି କରାଯାଇପାରେ ବୋଲି ପୋଲିସ କମିଶନର କହିଛନ୍ତି ।
17/09/2020