ଆଗାମୀ ଏପ୍ରିଲ ଚତୁର୍ଥ ସପ୍ତାହ ପରଠାରୁ ପାରମ୍ପରିକ ପାସେଞ୍ଜର ଟ୍ରେନ ବଦଳରେ ରାଜ୍ୟରେ ଆଉ ତିନୋଟି ମେଇନ ଲାଇନ ଇଲେକ୍ଟ୍ରିକ ମଲଟିପଲ ୟୁନିଟ (ମେମୁ) ଟ୍ରେନ ଗଡ଼ିବ ବୋଲି ପୂର୍ବତଟ ରେଳପଥ ନିଷ୍ପତ୍ତି ନେଇଛି ।
ଭୁବନେଶ୍ୱର-ଭଦ୍ରକ, ଭୁବନେଶ୍ୱର-ବ୍ରହ୍ମପୁର ଏବଂ ଭୁବନେଶ୍ୱର-ପଲାସା ମଧ୍ୟରେ ଏହି ଟ୍ରେନ ଚଳପ୍ରଚଳ କରିବ । ମେମୁ ଟ୍ରେନ ଯାତାୟତ ସେବା ଦ୍ୱାରା ପାରମ୍ପରିକ ପାସେଞ୍ଜର ଟ୍ରେନ ଗୁଡ଼ିକର ଯାତ୍ରା ରବ୍ଦ କରାଯିବ । ୨୦ ଏପ୍ରିଲରୁ ୨୨ ଏପ୍ରିଲ ମଧ୍ୟରେ ପାରମ୍ପରିକ ପାସେଞ୍ଜର ଟ୍ରେନ ଗୁଡ଼ିକ ବଦଳରେ ମେମୁ ଟ୍ରେନ ଯାତ୍ରା ଆରମ୍ଭ କରିବାର ନିଷ୍ପତ୍ତି ହୋଇଛି । ପାରମ୍ପରିକ ପାସେଞ୍ଜର ଟ୍ରେନ ଗୁଡ଼ିକର ଯେଉଁ ସବୁ ଷ୍ଟେସନରେ ରହଣୀ ଥିଲା ମେମୁ ଟ୍ରେନ ଗୁଡ଼ିକ ମଧ୍ୟ ସେହି ସବୁ ଷ୍ଟେସନରେ ରହଣୀ କରିବ । ଯାତ୍ରୀମାନଙ୍କ ସ୍ୱାଚ୍ଛନ୍ଦ୍ୟ ଯାତ୍ରା ପାଇଁ ଏଭଳି ପଦକ୍ଷେପ ନିଆଯାଇଥିବା ପୂର୍ବତଟ ରେଳ ପକ୍ଷରୁ ଜଣାଯାଇଛି ।
19/04/2019