ସଭିଏଁ ପଢନ୍ତୁ, ସଭିଏଁ ବଢନ୍ତୁ ନାରା ଦେଇ ଆରମ୍ଭ ହୋଇଥିଲା ସର୍ବଶିକ୍ଷା ଅଭିଯାନ । ୬ରୁ ୧୪ ବୟସର ପ୍ରତ୍ୟେକ ପିଲାଙ୍କୁ ମାଗଣା ଶିକ୍ଷାଦାନ ପାଇଁ ପ୍ରଣିତ ହେଲା ଶିକ୍ଷା ଅଧିକାର ଆଇନ । ଏ ଆଇନକୁ ଢେର୍ କିଛି ବର୍ଷ ବିତି ଗଲାଣି । କିନ୍ତୁ ବିଦ୍ୟାଳୟ ବାରଣ୍ଡା ମାଡ଼ୁନଥିବା ପିଲାଙ୍କ ଚିତ୍ର ମଧ୍ୟ ଦେଖିବାକୁ ମିଳିଛି । ରାଜ୍ୟରେ ଶିକ୍ଷା ଅଧିକାର ଆଇନର ଅସଲ ସ୍ଥିତିକୁ ଜନଗଣଙ୍କ ଆଗରେ ଉପସ୍ଥାପିତ କରିବା ପାଇଁ ଏକ ଐତିହାସିକ ପଦଯାତ୍ରା ଆୟୋଜିତ ହୋଇଥିବା ଜଣାଯାଇଛି । ଏହି ପଦଯାତ୍ରା ନୂଆପଡ଼ା ଜିଲ୍ଲାରୁ ଆରମ୍ଭ ହୋଇ ଭୁବନେଶ୍ୱରରେ ଉଦଯାପିତ ହୋଇଛି ।