ଏବେ ବାତ୍ୟା ପରଠାରୁ ପଶ୍ଚିମ ଓ ଉପକୂଳ ଓଡ଼ିଶାରେ ନାହିଁ ନ ଥିବା ଖରା । ଦିନ ୧୧ ତା ପରଠାରୁ ଘରୁ ବାହାରକୁ ବାହାରିହେଉନି । ତାତିରୁ ନିସ୍ତାର ମିଳୁନଥିବା ବେଳେ ଆଗକୁ ଆସୁଛି ଭୋଟ ଗଣତି । ତାତିରୁ ସୁରକ୍ଷା ପାଇଁ ରାଜ୍ୟର ସମସ୍ତ ଭୋଟ ଗଣତି କେନ୍ଦ୍ର କୁ ଶୀତତାପ ନିୟନ୍ତ୍ରିତ କରିବା ପାଇଁ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ସୂଚନା ଦେଇଛନ୍ତି । ସୋମବାର ଠାରୁ ରାଜଧାନୀ ଭୁବନେଶ୍ୱର ଠାରେ ଆୟୋଜିତ ଦୁଇଦିନିଆ ପ୍ରଶିକ୍ଷଣ ଶିବିର ଅବସର ରେ ଏଭଳି ସୂଚନା ଦିଆଯାଇଛି ।ସୂଚନା ଯୋଗ୍ୟଯେ ଆସନ୍ତା ୨୩ ତାରିଖଠାରୁ ସାଧାରଣ ନିର୍ବାଚନ ର ଭୋଟ ଗଣତି ହେବ । ତା ପୂର୍ବରୁ ଆଜି ରିଟର୍ଣ୍ଣିଂ ଅଫିସରମାନଙ୍କୁ ତାଲିମ ପ୍ରଦାନ କରାଯାଇଛି । ଜୟଦେବ ଭବନପରିସର ରେ ଥିବା ଗୀତଗୋବିନ୍ଦ ଭବନ ରେ ଆୟୋଜିତ ତାଲିମ ରେ ୧୧ ଜିଲ୍ଲାର ୭୯ ରିଟର୍ଣ୍ଣିଂ ଅଫିସରଙ୍କୁ ପ୍ରଶିକ୍ଷଣପ୍ରଦାନ କରାଯାଇଛି । ମଙ୍ଗଳବାର ଅବଶିଷ୍ଟ ରିଟର୍ଣ୍ଣି ଅଫିସର ଙ୍କୁ ତାଲିମ ପ୍ରଦାନ କରାଯିବ । ଆସନ୍ତା ୧୫ ତାରିଖରୁ ୧୮ ତାରିଖ ଯାଏଁ ଜିଲ୍ଲା ସ୍ତରର ନିର୍ବାଚନ ଅଧିକାରୀଙ୍କୁ ପ୍ରଶିକ୍ଷଣ ଦିଆଯିବାର କାର୍ଯ୍ୟକ୍ରମ ରହିଛି । ରାଜ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ପ୍ରତି ନିର୍ବାଚନ ମଣ୍ଡଳୀର ୫ ଟି ବୁଥ ରେ ଭିଭିପାଟଗଣତି ହେବ ବୋଲି ସୁଚାଇଥିଲେ । ଗୋଟିଏ ବିଧାନସଭା ମଣ୍ଡଳୀ ର ଗଣନା ପାଇଁ ରାଜ୍ୟରେ ୭ ଟି ଟେବୁଲ ବ୍ୟବହାର କରାଯାଉଥିବାରୁ ଜାତୀୟ ସ୍ତର ତୁଳନାରେ ଓଡ଼ିଶାରେ ଗଣନା ବିଳମ୍ବିତ ହେବ ବୋଲି ଜଣାପଡିଛି ।
13/05/2019