ଫୋନି ବାତ୍ୟା ପରେ ଛାରଖାର ହୋଇଯାଇଛି ଉପକୂଳ ଓଡ଼ିଶା । ସବୁଠାରୁ ଅଧିକ ପ୍ରଭଵିତ ହୋଇଛି ପୁରୀ,କଟକ ଓ ରାଜଧାନୀ ଭୁବନେଶ୍ୱର। ବାତ୍ୟା କୁ ବାର ଦିନ ବିଟିଲାଣି ହେଲେ ସୁଧୁରୁନି ରାଜଧାନୀର ପରିମଳ ବ୍ୟବସ୍ଥା ।ଗଲି କାନ୍ଦି ଠାରୁ ଆରମ୍ଭ କରି ମୁଖ୍ୟ ସଡ଼କ ଯାଏଁ ସବୁଠି କୁଢ଼,କୁଢ଼ ଆବର୍ଜନା ଗଦା ହୋଇଛି।ଅପରିଷ୍କାର ର ନଗ୍ନ ନମୁନା ରାଜଧାନୀର ଗଲି କନ୍ଦିରୁ ଦେଖିବାକୁ ମିଳୁଛି । ପୁରୁଣା ଭୁବନେଶ୍ୱର ବିବେକାନନ୍ଦ ମାର୍ଗ, କପିଳେଶ୍ୱର,କପିଲପ୍ରସାଦ,ଶ୍ରୀରାମ ନଗର,ସାମନ୍ତରାପୁର,ଭୀମ ଟାଙ୍ଗି ,ରଥ ରୋଡ଼,ପୋଖରୀପୁଟ,ୟୁନିଟ ୧,ଖାରବେଳ ନଗର,ଶହୀଦ ନଗର ଅଂଚଳରେ ବାଟିଆପରଠାରୁ ଧରାଶାୟୀ ହୋଇଥିବା ଗଛ ଓ ତାର ଡ଼ାଳ ଗୁଡିକୁ ରାସ୍ତାରୁ ହଟାଇ ଦିଆଯାଇପାରିନାହିଁ ।ଏବେ ବି ରାଜରାସ୍ତା କଡରେ ମୋଡିମକଚି ହୋଇ ଶହ ଶହ ଗଛ ,ବିଜୁଳି ତାର, ବିଦ୍ୟୁତ ଖୁଣ୍ଟ କେବୁଲ ତାର ବିପଦଜନକ ଅବସ୍ଥାରେ ଝୁଲିରହିଛି । ରାସ୍ତା ଘାଟରେ ଏବେ କୁଢକୁଢ ଅଳିଆ, ଆବର୍ଜନା ଗଦା ହୋଇଛି । ସଫେଇ କର୍ମଚାରୀଙ୍କ ପାଖରେ ଯାଏଁ ଓ ଯନ୍ତ୍ରପାତି ନ ଥିବାରୁ ଗଳିକନ୍ଦିରେ ଜମାହୋଇଥିବା ଗଛଡାଳ ଓ ୩ ତାରିଖ ଠାରୁ ସଫା ନ ହୋଇ ପଡିରହିଥିବା ଆବର୍ଜନା ଉଠିପାରୁନାହିଁ ।ଆଇଁଷିଆ ଗନ୍ଧରେ ନାକଫାଟିପଡିଲାଭଳି ସ୍ଥିତି ଥିବାବେଳେ ମଶାସଂଖ୍ୟା ବହୁଗୁଣିତ ଭାବେ ବଢିଯାଇଛି ।ତୁରନ୍ତ ସଫା ନ ହେଲେ ମ୍ୟାଲେରିଆ,ଜଣ୍ଡିସ,ଓ ଝାଡ଼ାବାନ୍ତିର ପ୍ରାଦୁର୍ଭାବ ଦେଖିବାକୁ ମିଳିବ ।
15/05/2019