ଏଣିକି କେବଳ ଗରିବ ପରିବାରର ନୁହେଁ, ସବୁ ବର୍ଗର ପିଲାଙ୍କୁ ସ୍କୁଲରେ ମିଳିବ ଜୋତା ଓ ଡ୍ରେସ୍। ସବୁ ସରକାରୀ ସ୍କୁଲ ଛାତ୍ରଛାତ୍ରୀଙ୍କୁ ପୋଷାକ ସହ ଜୋତା ପ୍ରଦାନ କରାଯିବାକୁ ସରକାର ନିଷ୍ପତ୍ତି ନେଇଥିବା ନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି। ପୂର୍ବରୁ କେବଳ ବିପିଏଲ୍ ପରିବାରର ପିଲାଙ୍କୁ ଜୋତା ଓ ଡ୍ରେସ୍ ମିଳୁଥିଲା। ହେଲେ ଏଣିକି ସବୁ ସରକାରୀ ସ୍କୁଲ୍ ପିଲାଙ୍କୁ ଜୋତା ଓ ଡ୍ରେସ୍ ସହ ପରିଚୟପତ୍ର ମଧ୍ୟ ମିଳିବ ବୋଲି କହିଛନ୍ତି ଗଣଶିକ୍ଷାମନ୍ତ୍ରୀ।ତେବେ ପୋଷାକ ଦେଇ ମୂଳ ପ୍ରସଙ୍ଗରୁ ସରକାର ଓହରି ପାରିବେ ନାହିଁ ବୋଲି ଅଭିଭାବକ ଙ୍କ ମହଲରେ ଚର୍ଚା ହେଉଛି। କେବଳ ବିପିଏଲ ନୁହଁ ସବୁ ବର୍ଗର ପିଲାଙ୍କୁ ମାଗଣା ପୋଷାକ ଓ ଜୋତା ଦେବା ଏକ ଭଲ ନିଷ୍ପତ୍ତି କିନ୍ତୁ ସ୍କୁଲ ଗୁଡିକରେ ପାଚେରୀ,ପିଇବା ପାଣି,ଶୌଚାଳୟ ଭଳି ମୌଳିକ ଆବଶ୍ୟକତା ଗୁଡିକ ପୂରଣ ହେବା ମଧ୍ୟ ଉଚିତ ।
19/09/2019