ଧାରା ୩୭୦ ଉଚ୍ଛେଦ ପାଇଁ ରାଜ୍ୟସଭାରେ ବିଧେୟକ ପାରିତ ହେବା ପରେ ଏହା ଏକ ସ୍ୱପ୍ନ ସତ ହେବା ପରି ଲାଗୁଛି ବୋଲି କାଶ୍ମୀର ପଣ୍ଡିତମାନେ ମତ ଦେଇଛନ୍ତି । ୧୯୮୯ ମସିହାରେ ଜାମ୍ମୁ-କାଶ୍ମୀରରେ ଆତଙ୍କବାଦ ଆରମ୍ଭ ହେବା ପରେ ଅନେକ କାଶ୍ମୀର ପଣ୍ଡିତଙ୍କୁ ହତ୍ୟା କରାଯାଇଥିଲା । ନିଜର ଓ ନିଜ ପରିବାରର ଜୀବନ ବଞ୍ଚାଇବା ପାଇଁ ଅନେକ କାଶ୍ମୀର ପଣ୍ଡିତ କାଶ୍ମୀର ଛାଡି ଦେଶର ଅନ୍ୟ ଅଂଶରେ ବସବାସ କରିଥିଲେ । ମାତ୍ର ଧାରା ୩୭୦ ଉଚ୍ଛେଦ ପରେ ଏହା ଅନେକ ଦିନର ସ୍ୱପ୍ନ ସତ ହୋଇଛି ବୋଲି କାଶ୍ମୀର ପଣ୍ଡିତମାନେ ପ୍ରକାଶ କରିଛନ୍ତି । ଅନେକ କାଶ୍ମୀର ପଣ୍ଡିତ ନିଜ ପରିବାର ସହ କେବଳ ଗୋଟିଏ ସୁଟ୍‌କେଶ୍‌ ଧରି କାଶ୍ମୀର ଛାଡିଥିଲେ । ଏହି ବିଧେୟକ ପାରିତ ହେବା ପରେ ଦେଶର ବିଭିନ୍ନ ଅଂଶରେ ମିଠା ବାଣ୍ଟିବା ସହ ଖୁସୀ ମନାଇଛନ୍ତି । ଏହାପରେ କାଶ୍ମୀରେ ଶାନ୍ତି ଆସିବ ସେମାନେ ପୁଣି ନିଜ ଜନ୍ମସ୍ଥାନକୁ ଫେରି ପାରିବେ ବୋଲି କହିଛନ୍ତି ।୧୯୮୯ ର ସ୍ମୃତି କୁ ମନେପକାଇ ଜଣେ ପଣ୍ଡିତ କହିଛନ୍ତି ଯେ ୨ ରୁ ୩ ଲକ୍ଷ ହିନ୍ଦୁ କାଶ୍ମୀର ପଣ୍ଡିତଙ୍କୁ ଭିଟାମାଟିରୁ ବେଦଖଲ କରି ଜାମ୍ମୁ କୁ ଶ୍ରୀହୀନ କରିଦିଆଯାଇଥିଲା  । ଡ଼ାକବାଜି ଯନ୍ତ୍ର ସାହାଯ୍ୟରେ ଉପତ୍ୟକା ଛାଡିବା ପାଇଁ ସୂଚନା ଦେବା ସହ ବହୁ ହିନ୍ଦୁ ମହିଳାଙ୍କୁ ବଳାତ୍କାର ସହ ନୃସଂଶ ଭାବେ ହତ୍ୟା କରାଯାଇଥିଲା ।ଆଜି ୩୭୦ ଧାରା ଉଛେଦ ପରେ ଆମେ ଜାମ୍ମୁ କାଶ୍ମୀର ରେ ଶାନ୍ତି ଓ ସମୃଦ୍ଧି ପ୍ରତିଷ୍ଠା ହେବାର ବିଶ୍ୱାସ କରିପାରୁଛୁ  ।