ଚିତ୍ରରେ ଜୀବନ ର ସତ୍ୟତା କୁ କାନଭାସ ରେ ରୁପଦେଲେ ଶିଳ୍ପୀ ପଞ୍ଚାନନ
ବିଶିଷ୍ଟ ଚିତ୍ରଶିଳ୍ପୀ ତଥା ଧଉଳିଚାରୁକଳା ମହାବିଦ୍ୟାଳୟର ଅଧ୍ୟକ୍ଷ ପଞ୍ଚାନନ ସାମଲଙ୍କ ଏକକ ଚିତ୍ରକଳା ପ୍ରଦର୍ଶନୀ ପୁଡୁଚେରୀ ସହରର ଅରୋ ଧନ ଆର୍ଟ ଗ୍ୟାଲେରୀଠାରେ ଉଦ୍ଘାଟନ ହୋଇଯାଇଛି । ଏହି ପ୍ରଦର୍ଶନୀକୁ ଟାଗୋର ଆର୍ଟସ କଲେଜର ଅବସରପ୍ରାପ୍ତ ଅଧ୍ୟକ୍ଷ ଇ.ଏମ୍. ରାଜନ ଓ ଅରୋଧନ ଆର୍ଟ ଗ୍ୟାଲେରୀର ନିର୍ଦେଶକ ଲଳିତ ବର୍ବା ଉଦ୍ଘାଟନ କରିଥିଲେ । ପ୍ରଦର୍ଶନୀରେ ଶ୍ରୀ ସାମଲଙ୍କ ମୋଟ୍ ୨୦ଟି ଚିତ୍ରକଳା ପ୍ରଦର୍ଶିତ ହୋଇଛି ଯେଉଁଥିରୁ ୧୫ଟି ସମସାମୟିକ ସୃଜନଶୀଳ କଳା ଶୈଳୀରେ ଅଙ୍କିତ ହୋଇଥିବା ବେଳେ ୫ଟି ଚିତ୍ର ଏବଷ୍ଟ୍ରାକ୍ଟ ପର୍ଯ୍ୟାୟ ଶୈଳୀରେ ଅଙ୍କିତ ହୋଇଥିଲା । ଶ୍ରୀ ସାମଲଙ୍କ ଚିତ୍ରରେ ଭାରତୀୟ ସଂସ୍କୃତି ଏବଂ ସେଥିରେ ବୃଷଭର ଉପସ୍ଥାପନାକୁ ଦର୍ଶାଇବା ସ୍ଥଳେ ସ୍ଥାନେ ସ୍ଥାନେ ସେ ବୃଷଭର ଅବସ୍ଥିତିକୁ ମଣିଷର ପାରିବା ପଣର ଶୈଳୀକୁ ଚିତ୍ରାୟିତ କରିଛନ୍ତି । ଚିତ୍ରଗୁଡ଼ିକ ଗ୍ୟାଲେରୀର ଦର୍ଶକଙ୍କୁ ନୂତନ ଦୃଶ୍ୟାନୁଭୂତି ପ୍ରଦାନ କରିଥିଲେ । ଏହି ଅବସରରେ ପୁଡୁଚେରୀ ରେ ପ୍ରବାସୀ ଓଡ଼ିଆ ଚିତ୍ରଶିଳ୍ପୀ ପ୍ରଭାତ ରାଉତରାୟଙ୍କ ସହ ପନ୍ଦିଚେରୀର ବିଶିଷ୍ଟ ଚିତ୍ରଶିଳ୍ପୀ କେ.ଏମ୍. ସରୋବରଂ, ମନୁସ୍ୱାମୀ, ରାଜେନ୍ଦ୍ରନ୍, ଏଲ୍. କାତାପ୍ପାନେ, ମାଗେସ୍, ଜୟରାମନ, ହୀରାଲାଲ ରାଉତ ଓ ପ୍ରଶାନ୍ତ ମାଝି ପ୍ରମୁଖ ଶ୍ରୀ ସାମଲଙ୍କ ଚିତ୍ର ସମୀକ୍ଷା କରିବା ସହ ତାଙ୍କର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ । ଏହି ପ୍ରଦର୍ଶନୀ ଚଳିତ ନଭେମ୍ବର ୧୧ ତାରିଖ ପର୍ଯ୍ୟନ୍ତ ଚାଲିବ ।
10/11/2019