୫୬ ବର୍ଷରେ ବିଇଡି,୭୬ ବର୍ଷର ଏହି ମହିଳା ଖୋଲିଛନ୍ତି ନିଜେ ଏକ ସ୍କୁଲ
ମାଙ୍କ ମୃତ୍ୟୁ ପରେ ପିଲାଦିନୁ କାନ୍ଧ ଉପରେ ପଡିଥିଲା ରୋଷେଇର ବୋଝ। ୧୫ ବର୍ଷ ବୟସରେ ସ୍କୁଲ ବାରଣ୍ଡା ମାଡି ପାରି ନ ଥିବା ଏହି ମହିଳା ବହିର କଳାଅକ୍ଷରକୁ ମହିଷୀର ଆଖି ବୋଲି ଭାବି ଡରୁଥିଲେ । କିନ୍ତୁ ତାଙ୍କ ମନ ଭିତରେ ଥିଲା ପାଠ ପଢ଼ିବାର ଅଦମ୍ୟ ଇଛା । ଛୋଟ ପିଲା ଙ୍କ ପାଖରେ ଶାଢ଼ୀ ପିନ୍ଧା ଏହି ମହିଳା ସିଲଟ ଧରି ପଢି ବସୁଥିବା ବେଳେ ଆଖପାଖ ଲୋକେ ଟାପରା କରୁଥିଲେ କିନ୍ତୁ ମହିଳା ଜଣଙ୍କ ଥିଲେ ଅବିଚଳିତ । ୧୮ ବର୍ଷ ବୟସରେ ତାଙ୍କର ବିବାହ ହୋଇଗଲା। ଶ୍ୱଶୁରାଳୟରେ ଲେଖାପଢ଼ା କରିବାକୁ ସୁବିଧା ନ ମିଳିବ ସତ୍ୱେ ଏହି ମହିଳା ନିଜ ପିଲା ମାନଙ୍କ ପଢା ବହି ପଢି ପଢି ଘରୋଇ ଭାବେ ଗ୍ରାଜୁଏସନ ସମାପ୍ତି କରିଥିଲେ। ଏତିକିରେ ମନ ମାନି ନଥିଲା ତାଙ୍କର । ନିଜ ଝିଅ ସହିତ ବିଇଡି ଶିକ୍ଷା ସମାପ୍ତ କଲେ । ବିଇଡି ଉତ୍ତୀନ୍ନ ହେଲା ବେଳକୁ ତାଙ୍କ ବେଶ ୫୬ ବର୍ଷ ଟପିଯାଇଥିଲା । ଆଜି ସେ ନିଜେ ଏକ ସ୍କୁଲ ଖୋଲି ପିଲାଙ୍କୁ ପଢାଇବାର ଦାୟିତ୍ୱ ନେଇଛନ୍ତି। ଏଭଳି ଏକ ରୋଚକ ଜୀବନ କାହାଣୀର ଅଧିକାରୀ ହେଉଛନ୍ତି ଯୋଧପୁର ପ୍ରତାପ ନଗରୀ ର ଅଯୋଧ୍ୟା କୁମାରୀ ଦେବୀ।ତାଙ୍କୁ ଯେତେବେଳେ ୬ ମାସ ସେତେବେଳେ ସେ ମାତୃହରା ହୋଇଥିଲେ । ପରିବାର ର ସ୍ଥିତି ଭଲ ନ ଥିଲା । ପିତା ଜଗଦୀଶ ନାରାୟଣ ଶର୍ମା ଜୟପୁର ର ଏକ ମନ୍ଦିର ରେ ପୂଜକ ଥିଲେ। ଅଯୋଧ୍ୟା ନିଜ ସ୍କୁଲ ଯିବା ବୟସରେ ବଡ଼ ଭଉଣୀ ସହ ମିଶି ଘର କାମ କରୁଥିଲେ।୧୯୬୨ ରେ ବିବାହ କରି ଶାଶୁ ଘରକୁ ଆସିବା ପରେ ସେ ଟିକେ ଅବସର ମାତ୍ରେ ବହି ଧରି ବସିଯାଉଥିଲେ । ପରେ ନିଜ ପୁଅ ଝିଅ ଙ୍କ ବହି ପଢି ପଢି ସେ ଗ୍ରାଜୁଏସନ ଓ ପରେ ବିଇଡି କରି ପାରିଥିଲେ । ୨୦୦୧ ରେ ନିଜସ୍ୱ ଉଦ୍ୟମରେ ମହର୍ଷି ପବ୍ଲିକ ସ୍କୁଲ ନାଁରେ ସ୍କୁଲଟିଏ ତିଆରି କରିଥିଲେ। ଅଯୋଧ୍ୟା କୁମାରୀ ୬ ରୁ ୮ମ ଶ୍ରେଣୀର ପିଲାଙ୍କୁ ହିନ୍ଦୀ ପଢ଼ାଉଛନ୍ତି । ତାଙ୍କ ସହ ସିଧା ସଳଖ ଆପଣ ୦୯୪୧୪୧୨୭୭୮୬ ରେ କଥା ହୋଇ ପାରିବେ ।
20/08/2019