ପଶ୍ଚିମ ଓଡିଶା ବଲାଙ୍ଗୀର ରାଧାରାଣୀ ପଡ଼ାର ବାସିନ୍ଦା ନନ୍ଦକିଶୋର ଓ ପଦ୍ମାଳୟା ଙ୍କ ପୁଅ ଦେବତ୍ତସ ଦର୍ଜୀ ଏବେ  ବଲିଉଡ଼ ଷ୍ଟାର । ଏଭଳି ପରିଚିତି ତାଙ୍କର ଗୋଟିଏ ରାତିରେ ତିଆରି ହୋଇଯାଇନାହିଁ। ଏଥିପାଇଁ ତାଙ୍କୁ ବର୍ଷ ପରେ ବର୍ଷ ଏଭଳି ୧୧ ବର୍ଷ ମୁମ୍ବାଇର ପୃଥ୍ୱୀ ଥିଏଟର ହଲ ଭିତରେ ଝାଳ ବୁହାଇବାକୁ ପଡିଛି  । ପୃଥ୍ୱୀ ଥିଏଟର ରେ ଅଭିନୟ କରୁ କରୁ ସେ ସିଲଭର ସ୍କ୍ରିନ ରେ ଅଭିନୟ କରିବାର ସୁଯୋଗ ପାଇଯାନ୍ତି । ତୁଳସୀ ଦୁଇ ପତ୍ରରୁ ବାସିଲା ପରି ଛୋଟ ଦିନରୁ ହିଁ ଅଭିନୟ ପ୍ରତି ରୁଚି ରଖିଥିବା ଦେବତ୍ତସ  ଏବେ ହିନ୍ଦୀ ସିନେମାରେ ଖୋଜି ପାଇଛନ୍ତି ନିଜ ପରିଚୟ । ଅନେକ ବାଧା ବିଘ୍ନ ପରେ ସେ ଶେଷରେ ‘ଜଜ ମେଣ୍ଟାଲ ହେ କ୍ୟା’ ସିନେମାରେ ଅଭିନୟ କରିବାର ସୁଯୋଗ ପାଇଛନ୍ତି । ଦେବ ଙ୍କ ଅଜା ଜଣେ ରେଡ଼ିଓ କଳାକାର ଭାବେ  ପୂର୍ବରୁ ଅଭିନୟ କରୁଥିବା ବେଳେ ତାଙ୍କ ବାପା ଜଣେ ଗାୟକ ଭାବରେ ବଲାଙ୍ଗୀରରେ ବେଶ ଜଣା ଶୁଣା । ଦେବ  ମଧ୍ୟ ପିଲା ଦିନୁ ଅଭିନୟ ପ୍ରତି ଆକୃଷ୍ଟ ହୋଇ ବିଦ୍ୟାଳୟର ବିଭିନ୍ନ କାର୍ଯ୍ୟକ୍ରମରେ ଅଭିନୟ କରନ୍ତି । ସେହିପରି ବଲାଙ୍ଗିରର ‘ଭୂମିକା’ ଅନୁଷ୍ଠାନ ପକ୍ଷରୁ ତାଙ୍କୁ ଥିଏଟର ଅଭିନୟ କରି ସେ ସାଉଁଟି ଥିଲେ ଅନେକ ପ୍ରଶଂସା । ୧୨  ବର୍ଷ ପୂର୍ବରୁ ମୁମ୍ବାଇ ଚାଲିଯାଇଥିବା ଦେବୋ  ସେଠି ଅକ୍ଲାନ୍ତ ପରିଶ୍ରମ ପରେ ଚାରୋଟି ସର୍ଟ ସିନେମାରେ କାମ କରିବାର ସୁଯୋଗ ପାଇଥିଲେ । ତେବେ ତାଙ୍କ ଏହି କଳାକୁ ସିନେମା ନିର୍ଦେଶକ ପ୍ରକାଶ ରାଓ ଜାଣିବାକୁ ପାଇଥିଲେ । ଶୁକ୍ରବାର ରିଲିଜ ହୋଇଥିବା ଏହି ଫିଲ୍ମ  ରେ କଂଗନା ରଣାବତ୍, ରାଜକୁମାର ରାଓ,ସତୀଶ କୌଶିକ ଙ୍କ ସହ ସେ ଅଭିନୟ କରିବାର ସୁଯୋଗ ପାଇଛନ୍ତି । ତେବେ ଏହି ସିନେମାରେ ତାଙ୍କ ଭୂମିକା ଅତି ଗୁରୁତ୍ବପୂର୍ଣ୍ଣ ଥିବାବେଳେ ସେ ଡବଲ ଭୂମିକାରେ ଅଭିନୟ କରିଛନ୍ତି ।  ୱାର୍ଡ ବୟ ଭାବରେ ଗୋଟିଏ ଚରିତ୍ରରେ ଅଭିନୟ କରିଥିବା ବେଳେ ଅନ୍ୟ ଚରିତ୍ରଟି ହନୁମାନ ରୂପେ ଅଭିନୟ କରିଛନ୍ତି । ୨୦୧୩ ରେ ସେ ଶେଖର ଘୋଷ ନିର୍ଦେଶିତ ବଲିଉଡ ସିନେମା ସୁପର ସେ ଉପର ରେ ଅଭିନୟ କରିଥିଲେ । ୨୦୧୬ ରେ ତାଙ୍କ ପ୍ରଦର୍ଶିତ କ୍ଷୁଦ୍ର ଚଳଚିତ୍ର ସର୍କସ ମସ୍କୋ ଇଣ୍ଟର ନ୍ୟାସନାଲ ଫିଲ୍ମ ଫେଷ୍ଟିଭାଲ ରେ ପୁରସ୍କୃତ ହୋଇଥିଲା ।