ଭୁବନେଶ୍ୱର ପୋଖରୀପୁଟସ୍ଥିତ ଇନ୍ଦ୍ରପସ୍ଥ କଲୋନୀ ଫେଜ୍-୨ଠାରେ ଥିବା ଚିତ୍ରଶିକ୍ଷା ଅନୁଷ୍ଠାନ ‘ଚିତ୍ରଶାଳା’ର କୁନି ଶିଳ୍ପୀମାନେ ବନୀକରଣ ପାଇଁ ଏକ ନିଆରା ପ୍ରୟାସ କରି ଚର୍ଚ୍ଚାକୁ ଆସିଛନ୍ତି । ଦିନକୁ ଦିନ ମାନବୀୟ ହସ୍ତକ୍ଷେପ ଓ ପ୍ରାକୃତିକ ବିପର୍ଯ୍ୟୟ କାରଣରୁ ଉଜୁଡ଼ି ଯାଉଥିବା ସବୁଜିମାକୁ ବଜାୟ ରଖିବା ପାଇଁ ସମାଜସେବୀ ସୁଶାନ୍ତ ସାହୁଙ୍କ ମାର୍ଗଦର୍ଶନରେ ବିଦ୍ୟାର୍ଥୀମାନେ ନିଆରା ବିହନ ପିଣ୍ଡୁଳା ବା ସିଡ୍ସ ବଲ୍ ତିଆରି କରୁଛନ୍ତି । ଏହି ସିଡ୍ସ ବଲ୍କୁ ଚନ୍ଦକା-ଡ଼ମପଡ଼ା ହସ୍ତୀ ଅଭୟାରଣ୍ୟର ଟାଙ୍ଗରା ଭୂଇଁମାନଙ୍କରେ ନିକ୍ଷେପ କରାଯିବ । ଏଥିରୁ ଗଜା ବାହାରି ଜଙ୍ଗଲ ସୃଷ୍ଟି ହେବ । ଏହି ପ୍ରକ୍ରିୟାରେ ୫୦ ପ୍ରତିଶତ ଗଛ ସୃଷ୍ଟି ହୋଇପାରିବ ବୋଲି କୁହାଯାଇଛି ।
କୁନି ଚିତ୍ରଶିଳ୍ପୀମାନେ ମାଟି, ଗୋବରଖତ ସହିତ ପଣସ, ତେନ୍ତୁଳି, ଆତ ଆଦି ମଞ୍ଜିକୁ ଗୋଳାଇ ବିହନ ପିଣ୍ଡୁଳା ବା ସିଡ୍ସ ବଲ୍ମାନ ତିଆରି କରୁଛନ୍ତି । ଚିତ୍ରଶାଳା ପକ୍ଷରୁ ବଲ୍ ତିଆରି ପାଇଁ ଆବଶ୍ୟକୀୟ ସରଞ୍ଜାମ ଓ ପ୍ରଶିକ୍ଷଣ ଦିଆଯାଇଛି । ଏହି ବଲ୍୍ଗୁଡ଼ିକୁ ଜଙ୍ଗଲର ଖାଲିଜାଗା ଗୁଡ଼ିକରେ ନିକ୍ଷେପ କରାଯିବ । ଏଥିରେ ଜୈବିକ ସାର ମିଶିଥିବାରୁ କୀଟପତଙ୍ଗ, ମୂଷା, ଗୁଣ୍ଡୁଚିମୂଷା ଓ ଅନ୍ୟାନ୍ୟ ବନ୍ୟଜନ୍ତୁ ଏହାକୁ ନଷ୍ଟ କରିପାରିବେ ନାହିଁ । ବର୍ଷାଋତୁରେ ଏଭଳି କାର୍ଯ୍ୟକ୍ରମ ଦ୍ୱାରା କମ୍ ଖର୍ଚ୍ଚରେ ପ୍ରଭାବୀ ବନୀକରଣ ହୋଇପାରିଥାଏ ବୋଲି ଜଣାଯାଇଛି । •ରା ରୋପଣରେ ୧୦ ପ୍ରତିଶତ •ରା ବଞ୍ଚୁଥିବା ବେଳେ ଏହି ପ୍ରକ୍ରିୟାରେ ୫୦ ପ୍ରତିଶତ ତିଷ୍ଟିଥାଏ । ପୁଣି ରୋପିତ •ରାଗୁଡ଼ିକର ୩ ବର୍ଷ ପାଇଁ ଯତ୍ନ ନେବା ବାବଦକୁ ୨ରୁ ୫ ହଜାର ଟଙ୍କା ଖର୍ଚ୍ଚ ହେଉଥିବା ବେଳେ ନିକ୍ଷେପିତ ସିଡ୍ସ ବଲ୍ରୁ ଅଙ୍କୁରିତ •ରା ଆପେ ଆପେ ହୋଇଥାଏ । ଏହି କାର୍ଯ୍ୟକ୍ରମ ଜରିଆରେ ବନୀକରଣର ପ୍ରଭାବୀ ପ୍ରକ୍ରିୟା ବାବଦରେ ପିଲାଙ୍କ ଶିକ୍ଷା ସହ ଚନ୍ଦକାରେ ବନୀକରଣର ଦ୍ୱୈତ ଉଦ୍ଦେଶ୍ୟ ସାଧିତ ହୋଇପାରିଲା ବୋଲି ଚିତ୍ରଶାଳାର ପ୍ରତିଷ୍ଠାତା ଚିତ୍ରଶିଳ୍ପୀ ଅନସୂୟା ସାହୁ ସୁ•ଇଛନ୍ତି ।
22/07/2019