ପରିବେଶକୁ ସୁରକ୍ଷା ଦେବାପାଇଁ ସାରା ବିଶ୍ୱରେ କମ କାଗଜ ବ୍ୟବହାରକୁ ନେଇ ଚର୍ଚା ହେଉଥିବା ବେଳେ ରାଜଧାନୀ ଦିଲ୍ଲୀ କିଭଳି ବା ଏଥିରୁ ବାଦ ପଡନ୍ତା । ଦିଲ୍ଲୀ ଉଚ୍ଚନ୍ୟାୟାଳୟ କୁ କାଗଜମୁକ୍ତ କରିବାପାଇଁ ଅଭିଯାନ ଆରମ୍ଭ କରି ନୁଆଁ ମୁଖ୍ୟ ବିଚାରପତି ଅନେକାଂଶରେ ସଫଳ ହୋଇଛନ୍ତି । କୋର୍ଟ ରୁମ ନମ୍ୱର-୧ଏବେ ଇ କୋର୍ଟ ରେ ପରିଣତ ହୋଇଛି । ମୁଖ୍ୟ ବିଚାରପତି ଡି ଏନ ପଟେଲ ଙ୍କ ବେଞ୍ଚ କାଗଜମୁକ୍ତ ହେବାପରେକୋର୍ଟ ରୁମ -୧ କୁ ଇ କୋର୍ଟର ମାନ୍ୟତା ମାନ୍ୟତା ମିଳିଛି । ଜଷ୍ଟିସ ପଟେଲ ଗତମାସରେ ଏଠାରେ ଦାୟିତ୍ୱ ଗ୍ରହଣ କରିବାପରେ ଚିଫ ଜଷ୍ଟିସ ଅଧ୍ୟକ୍ଷତା କରୁଥିବା ବେଞ୍ଚ କୁ କାଗଜମୁକ୍ତା କରିବାର ସିଦ୍ଧାନ୍ତ ନେଇଥିଲେ ।  କୋର୍ଟ ରୁମ ୧ କୁ କାଗଜମୁକ୍ତ କରିବା ଏତେ ସହଜକଥା ନ ଥିଲା । କାହିଁକିନା ଏଠାରେ ପ୍ରତ୍ୟେକ ପ୍ରକାର ମାମଲା ଶୁଣାଣି ପାଇଁ ଆସିଥାଏ । କାମର ଚାପ ଏଠାରେ ଟିକେ ଅଧିକ ଥାଏ । ଜନସ୍ୱାର୍ଥ ମାମଲା,ନୁଆଁ ଆଇନ୍ର ସାମ୍ବିଧାନିକ ବୈଧତା ସମ୍ପର୍କିତ ମାମଲା,ଟିକସ ମାମଲା ଏଠାକୁ ଆସିଥାଏ  । ଏହା କାଗଜମୁକ୍ତ ହେବ ପରେ ଅନ୍ୟ ବେଞ୍ଚ ଗୁଡିକରେ ଅନୁରୂପ ପଦକ୍ଷେପ ନିଆଯିବାର ଆଶା ସୃଷ୍ଟିହୋଇଛି  ।