ଚଳିତ ମାସ ଶେଷ ସୁଦ୍ଧା ହ୍ୱାଟ୍ସଆପ ନିଜର ପେମେଣ୍ଟ ବ୍ୟାଙ୍କିଙ୍ଗ୍ ସେବା ହ୍ୱାଟ୍ସଆପ ପେ ଆରମ୍ଭ କରିବ । ଏଥିପାଇଁ ହ୍ୱାଟ୍ସଆପ ୩ଟି ଘରୋଇ ବ୍ୟାଙ୍କ ଆକ୍ସିସ ବ୍ୟାଙ୍କ, ଆଇସିଆଇସିଆଇ ବ୍ୟାଙ୍କ ଓ ଏଚଡିଏଫସି ବ୍ୟାଙ୍କସହ ସହବନ୍ଧନ କରିଛି । ଏହିୟୁପିଆଇ ଭିତ୍ତିକ ପେମେଣ୍ଟ ସେବା ପାଇଁ ହ୍ୱାଟ୍ସଆପ ଭାରତୀୟ ଷ୍ଟେଟ ବ୍ୟାଙ୍କ ସହିତ ମଧ୍ୟ କଥାବାର୍ତ୍ତା ଚଳାଇଛି । ତେବେ ଷ୍ଟେଟ ବ୍ୟାଙ୍କ ଏପର୍ଯ୍ୟନ୍ତ କୌଣସି ଚୂଡ଼ାନ୍ତ ନିଷ୍ପତ୍ତି ନେଇନାହିଁ । ଦେଶ କୋରନା ମହାମାରୀ ବିରୁଦ୍ଧରେ ଲଢେଇ କରୁଥିବାବେଳେ ସରକାର ଡିଜିଟାଲ ପେମେଣ୍ଟ ଉପରେ ଗୁରୁତ୍ୱ ଦେଉଛନ୍ତି । ଏ କ୍ଷେତ୍ରରେ ହ୍ୱାଟ୍ସଆପର ପ୍ରବେଶ ପରେ ଦେଶରେ ଡିଜିଟାଲ ପେମେଣ୍ଟର ଅଧିକ ପ୍ରସାର ହେବ । କାରଣ ହ୍ୱାଟ୍ସଆପ ହେଉଛି ଦେଶର ସବୁଠାରୁ ଲୋକପ୍ରିୟ ମେସେଜିଂ ଆପ । ଭାରତରେ ଏହାର ପ୍ରାୟ ୪୦ କୋଟି ଉପଭୋକ୍ତା ଅଛନ୍ତି ।ହ୍ୱାଟ୍ସଆପର ମୂଳକମ୍ପାନି ଫେସବୁକର ପ୍ରମୁଖ ପ୍ରତିଦ୍ୱନ୍ଦୀ ଗୁଗୁଲ ପୂର୍ବରୁ ହିଁ ନିଜର ଗୁଗୁଲ ପେ ଜରିଆରେୟୁପିଆଇ ଭିତ୍ତିକ ଡିଜିଟାଲ ପେମେଣ୍ଟ ସେବା ଯୋଗାଉଛି । ଡିଜିଟାଲ ପେମେଣ୍ଟ କ୍ଷେତ୍ରରେ ଗୁଗୁଲ ପେ ଭାରତରେ ସବୁଠାରୁ ଅଧିକ ଉପଯୋଗ ହେଉଛି ।
06/05/2020