ଫନି’ ବାତ୍ୟାର କରୁଣ ପରିସ୍ଥିତି କିଭଳି ଥିଲା।ଏହାକୁ ମୁକାବିଲା କରିବା ଦିଗରେ ପୋଲିସ ଓ ପ୍ରଶାସନ କିଭଳି ପ୍ରୟାସ କରିଥିଲେ । କିଭଳି ଭାବେ ବାତ୍ୟାର ଆଁ ଭିତରୁ ଜନଗଣଙ୍କୁ ସୁରକ୍ଷା ଦିଆଗଲା ଆଦି ବିଭିନ୍ନ ଦୃଶ୍ୟକୁ ବାନ୍ଧି ଓଡିଶା ପୋଲିସ ପକ୍ଷରୁ ଏକ ଡକ୍ୟୁମେଣ୍ଟାରୀ ଫିଲ୍ମ ପ୍ରଦର୍ଶିତ କରାଯାଇଛି । ମଙ୍ଗଳବାର ରାଜ୍ୟ ସଚିବାଳୟରେ ଏହି ଫିଲ୍ମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉନ୍ମୋଚନ କରିଛନ୍ତି । ଏହି ଐତିହାସିକ ମୁହୁର୍ତ୍ତରେ ଡିଜିପିଙ୍କ ସମେତ  ଅନ୍ୟ ବରିଷ୍ଠ ପୋଲିସ ଅଧିକାରୀ ମାନେ ଯୋଗ ଦେଇଥିଲେ । ଡକୁମେଣ୍ଟାରୀ ଟି ଦୁଇଟି ଭାଗ ରେ  ପ୍ରସ୍ତୁତ ହୋଇଛି । ଗୋଟିଏ ଭାଗ ର ଅବଧି ୩ ତିନି ମିନିଟ୍ ରହିଥିବା ବେଳେ ଅନ୍ୟ ଟି ର ଅବଧି ୧୫ ମିନିଟ  ରହିଛି । ଏହି ଫିଲ୍ମ କୁ ପୋଲିସ ବିଭାଗର ସମସ୍ତ ଅଫିସିଆଲ ସୋସିଆଲ ମିଡ଼ିଆ ରେ ଅପଲୋଡ଼ କରାଯିବ । ୟୁ-ଟ୍ୟୁବ୍ ,ଟ୍ବିଟର ,ଫେସବୁକ ରେ ମଧ୍ୟ ଏହା ଉପଲବ୍ଧ ହେବ । ଏହା ସହ ବିଭିନ୍ନ ସେଣ୍ଟ୍ରାଲ ଏଜେନ୍ସି ଗୁଡିକ ନିକଟ କୁ ମଧ୍ୟ ପଠାଯିବ । ଓଡିଶା ପୋଲିସର କାର୍ଯ୍ୟ ଦକ୍ଷତା, କର୍ମକୁଶଳତା, ବିପତ୍ତି  ସମୟର ତତ୍ପରତା ଏବଂ ତୁରନ୍ତ ସହଯୋଗ କୁ  ଏଥିରେ ଦର୍ଶାଯାଇଛି । ଏହା ଅନ୍ୟ ରାଜ୍ୟ ଗୁଡିକ ପାଇଁ ପ୍ରେରଣାଦାୟୀ ହୋଇପାରିବ ବୋଲି କୁହାଯାଇଛି ।