କଟକ ସହରରେ ପରିମଳ ବ୍ୟବସ୍ଥା ସୁଧୁରିବ । ଏଥିପାଇଁ ଖୁବ ଶୀଘ୍ର ଘରକୁ ଘର ବୁଲି ଅଳିଆ ସଂଗ୍ରହ ହେବ । ତାମିଲନାଡୁ ରେ ହେଉଥିବା ସଫେଇ ଢାଞ୍ଚାରେ କଟକରେ ସଫେଇ କରାଯିବ ବୋଲି କଟକ ମହାନଗର ନିଗମ ପକ୍ଷରୁ କୁହାଯାଇଛି  । ଚେନ୍ନାଇରେ ଘରକୁ ଘର ବୁଲି ଅଳିଆ ସଂଗ୍ରହ କରାଯାଇ ପ୍ରତ୍ୟେକ ୱାର୍ଡ ସ୍ତରରେ ଖତ ଉତ୍ପାଦନ କେନ୍ଦ୍ର ତିଆରି ହୋଇଛି  । ଏହା ଦ୍ୱାରା ପରିବହନ ଖର୍ଚ୍ଚ କମୁଛି ଓ ସଂକୀର୍ଣ୍ଣ ତଥା ଅଣଓସାରିଆ ଗଳିକନ୍ଦିରୁବର୍ଜ୍ୟ ସଂଗ୍ରହ ହୋଇପାରୁଛି । ଏବେ ଏଭଳି ନମୁନା କଟକ ରେ ହେବ । କଟକର ପ୍ରତି ୱାର୍ଡ ରେ ଖତ ପ୍ରସ୍ତୁତ ହେବ  । ଖତ ଉତ୍ପାଦନ କେନ୍ଦ୍ର (ମାଇକ୍ରୋ କମ୍ପୋଷ୍ଟ ସେଣ୍ଟର)କୁ ଆସୁଥିବା ଅଳିଆକୁ ବର୍ଗୀକରଣ କରାଯିବ। କଠିନ ବର୍ଜ୍ୟ କୁ ବାଛି କବାଦିବାଲା କୁ ବିକ୍ରୀକରାଯିବ ଓ ତରଳ ଓ ଅର୍ଧ ତରଳ ବର୍ଜ୍ୟ ରେ ଗୁଡ଼ ଓ ଦହି ମିଶାଇ ଦେଶୀ ଖତ ପ୍ରସ୍ତୁତ କରାଯିବ ।ଅଳିଆ ସଂଗ୍ରହ ପାଇଁ ପ୍ରତ୍ୟେକ ଘରକୁ ଦୁଇଟି ଲେଖାଏଁ ଡଷ୍ଟବିନ ପ୍ରଦାନ କରାଯିବ।ଗୋଟିଏ ଡଷ୍ଟବିନ ରେ ତରଳ ଓ ଅନ୍ୟଟିରେ କଠିନ ବର୍ଜ୍ୟ ସଂଗ୍ରହର ବ୍ୟବସ୍ଥା ରହିବ । ଘରକୁ ଘର ବୁଲି ଅଳିଆ ସଂଗ୍ରହ ପାଇଁ ସିଏମସି ୧୯ ଟି ମିୟୁଜିକାଲ ଗାଡି କିଣିଛି  । ଏହି ବ୍ୟବସ୍ଥା ଦ୍ୱାରା କଟକ ମହାନଗର ଅଞ୍ଚଳର ବାସିନ୍ଦା ମାନେ ସ୍ୱଛତାର ପରିବେଶ ପାଇବା ସହିତ ସିଏମସି ଅଳିଆରୁ ରୋଜଗାର ପାଇପାରିବ  ।