ପାଣି ମିଳୁନି ,ଘରେ ରହି କାମ କରିବାକୁ କହିଲା ଆଇଟି କମ୍ପାନୀ
ଚେନ୍ନାଇ ପୁରୁଣା ମହାବଳିପୁରମ ଅଞ୍ଚଳରେ ଥିବା ଆଇଟି କମ୍ପାନୀ ଗୁଡିକ ନିଜ କର୍ମଚାରୀ ମାନଙ୍କୁ ଘରେ ବସି କାମ କରିବା ପାଇଁ ପରାମର୍ଶ ଦେଇଛି । ସୁଚାରୁ ରୂପେ କାମ କରିବା ପାଇଁ ଅଫିସରେ ପାଣି ଉପଲବ୍ଧ ହୋଇନପାରିବ କାରଣ ଯୋଗୁଁ ଏପରି କହିଥିବା ଜଣାଯାଇଛି ।କର୍ମଚାରୀ ମାନଙ୍କୁ କୁହାଯାଇଛି ଯେ ସେମାନଙ୍କୁ ସୁବିଧା ହେଲା ଭଳି ଜାଗାରେ ସେମାନେ କାମ କରିପାରିବେ । ଆଗାମୀ ୧୦୦ ଦିନ ପର୍ଯ୍ୟନ୍ତ ଆଇଟି କମ୍ପାନୀ ଗୁଡିକୁ ଏପରି ପାଣି ପାଇଁ ସଂଘର୍ଷ କରିବାକୁ ପଡିପାରେ ବୋଲି କୁହାଯାଉଛି । ସହରରେ ବିଗତ ୨୦୦ ଦିନ ଧରି ବର୍ଷା ହୋଇନାହିଁ । ଆବଶ୍ୟକତ ପୁରା କରିବା ପାଇଁ ଆଗାମୀ ୩ ମାସ ପର୍ଯ୍ୟନ୍ତ ଚେନ୍ନାଇ ରେ ସେହି ଧରଣର ବର୍ଷା ହେବାର ସମ୍ଭାବନା ନାହିଁ । ସୂତ୍ର ରୁ ଜଣାଯାଇଛି ଯେ ୧୨ ଟି ଆଇଟି କମ୍ପାନୀର ୫ ହଜାର କର୍ମଚାରୀଙ୍କୁ ଘରେ ରହି କାମ କରିବା ପାଇଁ ପରାମର୍ଶ ଦିଆଯାଇଛି । ଘରୋଇ ପାଣି ଟ୍ୟାଙ୍କର ଗୁଡିକ ଆନ୍ଦୋଳନ କରିଥିବା କାରଣରୁ ଅନୁରୂପ ଘଟଣା ୪ ବର୍ଷ ତଳେ ଘଟିଥିବା ମିଡ଼ିଆ ରିପୋର୍ଟ ରୁ ଜଣା ପଡିଛି । ୪ ବର୍ଷ ତଳେ ଆଇଟି କମ୍ପାନୀମାନେ ଘରେ ରହି କାମ କରିବା ପାଇଁ କହିଥିଲେ । ଓଏମଆର ରେ ୬୦୦ ଆଇଟି ଏବଂ ଆଇଟିଏଏସଫାର୍ମ ସଂଚାଳିତ ହୋଇଥାଏ । ଏଠାକାର କମ୍ପାନୀ ଗୁଡିକ କାମ ପାଣି ବ୍ୟବହାରକୁ ନେଇ ଅନେକ ଉପାୟ କରିଥାନ୍ତି । କେତେକ କମ୍ପାନୀ ନିଜ କର୍ମଚାରୀଙ୍କୁ ପିଇବା ପାଣି ସ୍ୱୟଂ ଘରୁ ଆଣି ଆସିବା ପାଇଁ କହିଥାଏ ।ପ୍ରବଳ ଗରମ କାରଣରୁ ଓଏମଆର ଅଞ୍ଚଳରେ ଦୈନିକ ୩କୋଟି ଲିଟର ପାଣିର ଆବଶ୍ୟକତା ହୋଇଥାଏ ଏବଂ ଏଥରୁ ଅଧିକ ପରିମାଣର ପାଣି ବାହାରୁ ମଗାଯାଇଥାଏ । ଏଥରୁ ୬୦ ପ୍ରତିଶତ ଅଂଶ ଆଇଟି କମ୍ପାନୀ ଗୁଡିକର ଥାଏ ।
13/06/2019