ଭାରତରେ ୧୮ ରୁ ୪୦ ବର୍ଷ ବୟସର ଯୁବପିଢ଼ି ଙ୍କ ସଂଖ୍ୟା କିଛି କମ ନୁହଁ । ଏହି ବୟସର ଯୁବପିଢିଙ୍କ ମଧ୍ୟରୁ ୫୦ ପ୍ରତିଶତ ରୁ ଅଧିକ ଏବେ ଅନଲାଇନ ସପିଙ୍ଗ ରେ ମାତିଛନ୍ତି । ଶସ୍ତା ଇଣ୍ଟରନେଟ ଓ ପ୍ରଯୁକ୍ତିର ଉପଲବ୍ଧତା ସାଙ୍ଗକୁ ଅନୁକୂଳ ସରକାରୀ ନୀତି ଓ କମ୍ପାନୀ ଗୁଡିକର ନିବେଶ ଭାରତୀୟ ଇ କମର୍ସ ବଜାରକୁ ବ୍ୟାପ୍ତ କରାଇବାରେ ସହାୟକ ହୋଇଛି । ଏଭଳି ସ୍ଥିତିରେ ଆଗାମୀ ୨୦୩୪ ବର୍ଷ ବେଳକୁ ଆମେରିକାକୁ ପଛରେ ପକାଇ ଭାରତ ବିଶ୍ୱରେ ସର୍ବ ବୃହତ ଇ କମର୍ସ ବଜାର ଭାବେ ଉଭା ହେବ ବୋଲି ପୂର୍ବାନୁମାନ କରାଯାଇଛି । ବିଶ୍ୱର ସବୁଠୁ ବଡ ପ୍ୟାକେଜିଙ୍ଗ ଡେଲିଭେରି ଆଣ୍ଡ ସପ୍ଲାଏ ଚେନ ମ୍ୟନେଜ୍ମେଣ୍ଟ କମ୍ପାନୀ ୟୁନାଇଟେଡ଼ ପାର୍ସ ସର୍ଭିସ କହିଛି ଯେ ଭାରତ ରେ ଯେଉଁ ହାର ରେ ଇ କମର୍ସ ବଜାର ପ୍ରସାରିତ ହେଉଛି ତାହା ଯଦି ଅପରିବର୍ତ୍ତିତ ରୁହେ ତେବେ ଆଗାମୀ ୧୪ -୧୫ ବର୍ଷ ମଧ୍ୟରେ ଭାରତ ଏ କ୍ଷେତ୍ର ରେ ଆମେରିକାକୁ ଟପିଯିବ । ଆଗକୁ ବ୍ୟାପକ କର୍ମ ନିଯୁକ୍ତି ସୁଯୋଗ ସୃଷ୍ଟି କରିବ । ଏହା ଦ୍ୱାରା କାରିଗର,ଶିଳ୍ପୀ,ଉତ୍ପାଦକ,ପ୍ୟାକେଜିଙ୍ଗ ଶିଳ୍ପ,ପରିବହନ,ଦୂର ସଂଚାର କ୍ଷେତ୍ର ରେ ନିୟୋଜନ ବଢିବ।
09/08/2019