ରାଜ୍ୟରେ ବୈଷୟିକ ଶିକ୍ଷାପ୍ରତି ଆଗ୍ରହ କମିବାରେ ଲାଗିଛି । ସ୍ଥିତି ଏପରି ହୋଇଛି ଯେ ନାମଲେଖା ହେଉନଥିବାରୁ ଗତବର୍ଷ ରାଜ୍ୟର ୪ଟି ଇଂଜିନିୟରିଂ କଲେଜକୁ ବନ୍ଦ କରିବାକୁ ପଡିଛି । ଚଳିତ ବର୍ଷ ଇଂଜିରିୟରିଂ ସିଟ୍‌ ସଂଖ୍ୟା କୁ କମାଇଦେଇଛନ୍ତି ସରକାର । ଉଭୟ ସରକାରୀ ଏବଂ ବେସରକାରୀ ଇଂଜିନିୟରିଂ କଲେଜରେ ମୋଟ ୪୦୭୩ଟି ବି.ଟେକ୍ ସିଟ୍ ଉଛେଦ କରାଯାଇଛି  ।ରାଜ୍ୟରେ ଏବେ  ସମୁଦାୟ ୮୮ଟି ଇଂଜିନିୟରିଂ  କଲେଜରେ ୪୦୭୩ଟି ସିଟ୍ କମିଛି । ଏଥିରୁ  ୮ଟି ହେଉଛି ସରକାରୀ ଇଞ୍ଜିନିୟରିଂ କଲେଜ । ବାକି ୮୦ଟି ବେସରକାରୀ ଇଞ୍ଜିନିୟରିଂ କଲେଜ । ବେସରକାରୀ କଲେଜ ଗୁଡ଼ିକରେ ୩୯୪୭ ଟି ସିଟ୍ କମିଥିବା ବେଳେ ସରକାରୀ କଲେଜ ଗୁଡ଼ିକରେ ମୋଟ୍‌ ୧୨୬ଟି ସିଟ୍ କମ୍‌ କରାଯାଇଛି ।ବ୍ରହ୍ମପୁର ଥରେ ଥିବା ପାରଳାମହାରାଜା ଓ କେନ୍ଦୁଝର ରେ ଥିବା ସରକାରୀ ଇଂଜିନିୟରିଂ କଲେଜର ଦୁଇଟି ବିଭାଗକୁ ରାଜ୍ୟସରକାର ନାମଲେଖା ହେଉ ନ ଥିବାରୁ ବନ୍ଦ କରିଦେଇଛନ୍ତି  । ବର୍ଷ ବର୍ଷ ଧରି ଉଭୟ ସରକାରୀ ଓ ବେସରକାରୀ କଲେଜ ଗୁଡ଼ିକରେ ଭିତ୍ତିଭୂମିର ଅଭାବ ଓ ଗୁଣାତ୍ମକ ଶିକ୍ଷାଦାନ ର  ଅଭାବ ରହିଛି । ଏହା ସହିତ ଆବଶ୍ୟକ ଅନୁଯାୟୀ ଶିକ୍ଷକ ମଧ୍ୟ କଲେଜ ଗୁଡ଼ିକରେ ନାହାନ୍ତି । ବିପିୟୁଟି ଅଧୀନରେ ଥିବା ରାଜ୍ୟର ୮୮ ଟି ଘରୋଇ କଲେଜ ଓ ୮ ଟି ସରକାରୀ ଇଂଜିନିୟରିଂ କଲେଜ ରେ ଠିକ ସମୟରେ କେବେ ବି ପରୀକ୍ଷା ହେଉନାହିଁକି ,ଠିକ ସମୟରେ ଫଳ ପ୍ରକାଶ ପାଉନି । ଗୁଣାତ୍ମକ ଶିକ୍ଷାଦାନ ହେଉନଥିବାରୁ ଠିକ ସମୟରେ କ୍ୟାମ୍ପସ ରୁ ଚୟନ ପାଇଁ କମ୍ପାନୀ ଆସୁନାହାନ୍ତି ।ବର୍ଷ ବର୍ଷ ଧରି ଟ୍ୟୁସନ ଫିସ ସମ୍ପର୍କିତ ମାମଲା ନ୍ୟାୟାଳୟରେ ଝୁଲୁଥିବା ଯୋଗୁଁ ଘରୋଇ ଇଂଜିନିୟରିଂ  କଲେଜ ଗୁଡିକରେ ମନଇଛା ଦେୟ ଆଦାୟ କରାଯାଉଛି  । ଲକ୍ଷ ଲକ୍ଷ ଟଙ୍କା ଖର୍ଛପରେ ବି ନିଯୁକ୍ତି ମିଳୁନଥିବାରୁ ବୈଷୟିକ ଶିକ୍ଷା ପ୍ରତି ପିଲା ମୁହଁ ମୋଡ଼ୁଛନ୍ତି  ।

ଇଞ୍ଜିନିୟର ବେକାରୀଙ୍କ ସଂଖ୍ୟା ବଢ଼ୁଥିବାରୁ ଏବେ ଅଭିଭାବକ ମାନେ ନିଜ ପିଲାଙ୍କୁ ଇଞ୍ଜିନିୟରିଂ ପଢାଇବାକୁ ରାଜି ହେଉ ନାହାନ୍ତି । ପଳରେ ଅନକ କଲେଜରେ ସିଟ୍‌ ଖାଲି ପଡ଼ୁଛି । ଏହି ସିଟ୍‌ ଖାଲି ପଡ଼ିବା କାରଣରୁ ରାଜ୍ୟ ସରକାରଙ୍କ ପକ୍ଷରୁ ସିଟ୍‌ କମାଯିବା ସହ ବିଭିନ୍ନ କଲେଜକୁ ବନ୍ଦ କରିବା ପାଇଁ ପ୍ରକ୍ରିୟା ଆରମ୍ଭ ହୋଇଛି ।