କରୋନା ଭାଇରସ ମହାମାରୀର ଏଭଳି ସଙ୍କଟ ଜନକ ସ୍ଥିତିରେ ଚାଷୀଙ୍କୁ  ସାହାଯ୍ୟ ପାଇଁ ଭାରତୀୟ ରେଲୱେ ବଡ ପଦକ୍ଷେପ ନେଇଛି । ରେଲୱେ ଚାଷୀଙ୍କ ପାଇଁ ସ୍ପେଶାଲ ପାର୍ସଲ ଟ୍ରେନ୍ ଚଳାଇବା ପାଇଁ ନିଷ୍ପତ୍ତି ନେଇଛି । କରୋନା କାଳରେ ମଧ୍ୟ ରେଳର କିଷାନ୍ ବିଶେଷ ପାର୍ସଲ ଟ୍ରେନ୍ ଚାଷୀଙ୍କ ପାଇଁ ବରଦାନ  । ମଧ୍ୟ ରେଳର କିଷାନ୍ ବିଶେଷ ପାର୍ସଲ ଟ୍ରେନ୍ ମହାରାଷ୍ଟ୍ରର ଦେବଲାଲୀ ଓ ବିହାରର ଦାନାପୁର ମଧ୍ୟରେ ଚାଲିବ ଯାହା ଫଳରେ ପରିବାଚାଷ ଫଳଚାଷ କରୁଥିବା ଚାଷୀଙ୍କ ଉତ୍ପାଦ ଗ୍ରାହକଙ୍କ ପାଖରେ ସହଜରେ ପହଞ୍ଚି ପାରିବ । ରେଳ ମନ୍ତ୍ରାଳୟ ଅନୁସାରେ ୭ ଅଗଷ୍ଟରୁ ୩୦ ଅଗଷ୍ଟ ପର୍ଯ୍ୟନ୍ତ କିଷାନ୍ ବିଶେଷ ପାର୍ସଲ ଟ୍ରେନ୍ ପ୍ରତି ଶୁକ୍ରବାର ଦେବଲାଲୀରୁ ଦାନାପୁର ଆଡେ ସକାଳ ୧୧ଟାରେ ଚାଲିବ ଏବଂ ଆଗାମୀ ଦିନ ସକାଳେ ୬.୪୫ ଟାରେ ଦାନାପୁର ପହଞ୍ଚିବ । ପ୍ରତି ରବିବାର ୧୨ଟାରେ ଦାନାପୁରରୁ ବାହାରି ପରଦିନ ୭ଟା ୪୫ ମିନିଟରେ ଦେବଲାଲୀରେ ପହଞ୍ଚିବ । ଏହି ଗାଡିରେ ପାର୍ସଲ ବୁକିଂ ପାଇଁ ଚାଷୀ ରେଲୱେ ଷ୍ଟେସନରେ ସମ୍ପର୍କ କରିପାରିବେ । ମଧ୍ୟ ରେଲୱେ ପାର୍ସନ ବୁକିଂ ପାଇଁ କିଛି ଫୋନ୍ ନମ୍ବର ଉପଲବ୍ଧ କରାଇଛି । ସିନିୟର ଡିଭିଜନଲ କମର୍ସିଆଲ୍ ମ୍ୟାନେଜର, ଭୁସାବଲ ୭୨୯୬୧୧୯୫୦, ଡେପୁଟି ଚିଫ୍ କମର୍ସିଆଲ୍ ମ୍ୟାନେଜର, ଫ୍ରେଟ୍ ସର୍ଭିସେଜ୍ ୮୮୨୮୧୧୦୯୬୩, ଆସିଷ୍ଟାଣ୍ଟ କମର୍ସିଆଲ୍ ମ୍ୟାନେଜର ନମ୍ବରରେ ସମ୍ପର୍କ କରିପାରିବେ । ଟ୍ରେନଟି ନିଜ ପୂର୍ବ ନିର୍ଦ୍ଧାରିତ ଷ୍ଟେସନରେ ଅଟକିବ ।