ବିଶ୍ୱରେ ମହୁ ଉତ୍ପାଦନରେ ଚୀନପ୍ରଥମ ସ୍ଥାନରେ ଥିବା ବେଳେ ଭାରତ ଅଷ୍ଟମ ସ୍ଥାନରେ ରହିଛି । ଚୀନ ରେ ବାର୍ଷିକ ୫ ଲକ୍ଷ ୫୧ ହଜାର ଟନରୁ ଅଧିକ ମହୁ ଉତ୍ପାଦନ ହେଉଥିବା ବେଳେ ଭାରତରେ ୨୦୧୮-୧୯ ବର୍ଷରେ ୬୪.୯୦୦ ଟନ ମହୁ ଉତ୍ପାଦନ ହୋଇଥିଲା । ଆମ ଦେଶରେ ମହୁ ,ମହାମ ଉତ୍ପାଦନ ର ବ୍ୟାପକ ସମ୍ଭାବନା ରହିଛି ।ଦେଶରେ ଏବେ ୩.୪ ନିୟୁତ ମହୁମାଛି କଲୋନୀ ରହିଛି ।ସେହି ସଂଖ୍ୟା ୨୦୦ ନିୟୁତ ପର୍ଯ୍ୟନ୍ତ ବଢିବାର ସୁଯୋଗ ରହିଛି । ଯଦି ଏହି ସଂଖ୍ୟାରେ ବୃଦ୍ଧି କରାଯାଇପାରିବ ତେବେ ଦେଶରେ ମହୁମାଛି ସଂପୃକ୍ତ ଉତ୍ପାଦର ଉତ୍ପାଦନ ବଢିବ ବୋଲି ପ୍ରଦାନମନ୍ତ୍ରୀ ଅର୍ଥନୈତିକ ପରାମର୍ଶଦାତା ପରିଷଦ ର ମୁଖ୍ୟ ବିବେକ ଦେବରାୟଙ୍କ ଅଧ୍ୟକ୍ଷତାରେ ଗଠିତ କମିଟି ନିଜ ରିପୋର୍ଟ ରେ ଦର୍ଶାଇଛି । ମହୁମାଛି ଚାଷ ଦ୍ୱାରା ଉଦ୍ୟାନ କୃଷିର ମଧ୍ୟ ଉନ୍ନତ ହୋଇପାରିବ । ମହୁମାଛି ବାକ୍ସ ରୁ କେବଳ ମହୁ ଓ ମହାମ ସଂଗ୍ରହ ଓ ବିକ୍ରି ସହିତ ମହୁମାଛିର ବିଷ ଓ ପଲେନ କୁ ମଧ୍ୟ ବିକ୍ରି କରାଯାଇପାରିବ । ଏହା ହେଲେ ଚାଷୀଙ୍କ ଆୟ ଦିଗୁଣା ହୋଇପାରିବ ।
27/06/2019