ଦେଶର ପ୍ରଥମ ପୂର୍ଣ୍ଣକାଳୀନ ମହିଳା ଅର୍ଥମନ୍ତ୍ରୀ ନିର୍ମଳା ସାତାରମଣ ଇତିହାସ ରଚିଛନ୍ତି । ବର୍ଷ ବର୍ଷର ପରମ୍ପରା ଭାଙ୍ଗି ପ୍ରଥମ ଥର ୪  ଫର୍ଦ୍ଦର ନାଲି କପଡା ଭିତରେ ବଜେଟ ଦସ୍ତାବିଜ ରଖିଛନ୍ତି । ପଶ୍ଚିମ ସଭ୍ୟତାରୁ ଅଲଗା ରହି ପ୍ରଥମ ଥର ବଜେଟ ପାଇଁ ବ୍ରିଫକେଶ ନୁହେଁ ବହି ଖାତା ପ୍ରସ୍ତୁତ କରାଯାଇଛି ବୋଲି କୁହାଯାଇଛି । ମୋଦି ସରକାର ବିପୁଳ ଜନସମର୍ଥନ ପାଇ ସରକାର ଗଢ଼ିଛନ୍ତି । ଏଥିପାଇଁ ସମସ୍ତ ବର୍ଗର ବଜେଟ ଉପସ୍ଥାପନା ପୂର୍ବରୁ ଆଶା,ଆକାଂକ୍ଷା ପ୍ରକାଶ ପାଇଛି । ଅର୍ଥମନ୍ତ୍ରୀ ବଜେଟ ଉପସ୍ଥାପନା କରି ନିଜ ବକ୍ତବ୍ୟରେ କହିଲେଯେ,ଭାରତରେ ପ୍ରତିବର୍ଷ ୨୦ ଲକ୍ଷ କୋଟି ଟଙ୍କାର ପୁଞ୍ଜିନିବେଶ ଆବଶ୍ୟକତା ରହିଛି । ଭିତ୍ତିଭୂମୀ ସଂରଚନା ପାଇଁ ଅନେକ ବ୍ୟବସ୍ଥା ଗ୍ରହଣ କରାଯାଇଛି । ସ୍ବାଧୀନତା ପରେ ଯେଭଳି ସ୍ବଦେଶୀ,ସେପରି ଆଜି ମେକ ଇନ ଇଣ୍ଡିଆର ମହତ୍ୱ ଥିବା ଅର୍ଥମନ୍ତ୍ରୀ ନିଜ ବଜେଟ ଭାଷଣରେ କହିଛନ୍ତି  । ଆମର ଲକ୍ଷ ଶକ୍ତିଶାଳୀ ଦେଶ ପାଇଁ ଦୃଢ଼ ନାଗରିକ ବୋଲି ସେ ସୁଚାଇଥିଲେ  । ସେ କହିଥିଲେଯେ ୧ ଟ୍ରିଲିୟନ ଡ଼ଲାରର ଅର୍ଥ ବ୍ୟବସ୍ଥା କରିବାକୁ ଦେଶକୁ ୫୫ ବର୍ଷ ଲାଗିଥିଲା । ବିଗତ ୫ ବର୍ଷ ମଧ୍ୟରେ ଆମେ ଏଥିରେ ୧ ଟ୍ରିଲିୟନ ଡଲାର ଯୋଡ଼ିଛୁ  । ମୁଦ୍ରା ଋଣ,ଅନ୍ୟ ଯୋଜନାରେ ଦେଶର ଲୋକଙ୍କ ଜୀବନ ବଦଳୁଛି । ଗରିବ ଓ କୃଷକଙ୍କୁ ପ୍ରତ୍ୟେକ ଯୋଜନାର କେନ୍ଦ୍ରବିନ୍ଦୁ କରାଯାଇଛି  । ଜଳପଥ,ଆକାଶପଥର ବିକାଶ କ୍ଷେତ୍ରରେ ପୁଞ୍ଜି ନିବେଶ ବ୍ୟାପକ ହେବ  । ଦେଶର ବିକାଶ ପାଇଁ ୧୦ ଟି ଦ୍ରୁଷ୍ଟିକୋଣର ଆଲୋଚନା କରି ସୀତାରମଣ ଫିସିକାଲ-ସୋସିଆଲ ଇଁଫ୍ରାଷ୍ଟ୍ରକ୍ଚର ଠାରୁ ଡିଜିଟାଲ ଭିତ୍ତିଭୂମୀ ପର୍ଯ୍ୟନ୍ତ ଏବଂ ମେକ ଇନ ଇଣ୍ଡିଆ ଠାରୁ ଆରମ୍ଭକରି ନୀଳ ଅର୍ଥନୀତି ପର୍ଯ୍ୟନ୍ତ ଆଲୋଚନା କରିଥିଲେ  । ଦେଶର ସବୁ ପଂଚାୟତ କୁ ଡିଜିଟାଲ ସଂଯୋଗ ର ସୁଵିଧାମିଳିଵ ବୋଲି ସେ ଦୋହରାଇଥିଲେ । କ୍ଷୁଦ୍ର  ବ୍ୟବସାୟୀଙ୍କୁ ୬୦ ବର୍ଷ ପରେ ମାସିକ ୩ ହଜାର ଟଙ୍କା ପେନସନ ଦେବା ବ୍ୟବସ୍ଥା ର ପ୍ରଚଳନ କରାଯାଇଥିବା ସୁଚାଇଥିଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ  । କୋଟିରୁ ଅଧିକ ଶ୍ରମିକଙ୍କୁ ଭତ୍ତା ସହ ପ୍ରଧାନ ମନ୍ତ୍ରୀ କୌଶଳ ଯୋଜନାରେ ୧୦ ନିୟୁତ ଯୁବକଙ୍କୁ ତାଲିମ ଦିଆଯିବ ନେଇ ସୁଚାଇଥିଲେ ।