ସୁରଟ ସହର ର ସତାନା ଠାରେ ଥିବା ଏକ ଚାରି ମହଲା କୋଠାରେ ଶୁକ୍ରବାର ଅଗ୍ନିକାଣ୍ଡ ଘଟିବାରୁ ଚାରିମହଲା କୋଠାରୁଜୀବନ ବିକଳରେ ଡେଇଁ ପଡିଥିବା ୨୨  ଜଣ ଛାତ୍ର ଛାତ୍ରୀଙ୍କ ଜୀବନ ଯାଇଛି । ଏହି କୋଠାରେ ତକ୍ଷଶୀଳା କୋଚିଂ ସେଣ୍ଟର ଚାଲିଥିଲା ଯେଉଁଠାରେ ନବମ ରୁ ଦ୍ୱାଦଶ ଶ୍ରେଣୀର ବିଦ୍ୟାର୍ଥୀ ମାନେ ଅବସ୍ଥାନ କରିବା ସହିତ କୋଚିଂ ନେଉଥିଲେ । ଜଣେ ପୀଡିତ ଛାତ୍ର କହିଛନ୍ତି ଯେ କୋଠାରୁ ଡେଇଁପଡ଼ିବା ବ୍ୟତୀତ ଆମ ନିକଟରେ ଆଉ କୌଣସି ଚାରା ନ ଥିଲା।କୋଠରୀ ଗୁଡିକ ଧୁଆଁ ରେ ଭରିଯିବ କାରଣରୁ ବାଧ୍ୟ ହୋଇ ଆମେ ଡେଇଁଥିଲୁ ଓ ଏଥପାଇଁ ଅନେକଙ୍କ ଜୀବନ ଯାଇଥିଲା ।ଏହି ଅଗ୍ନିକାଣ୍ଡ ର କ୍ରାଇମ ବ୍ରାଞ୍ଚ ତଦନ୍ତ ନିର୍ଦେଶ ଦିଆଯାଇଛି । କୋଚିଂ ସେଣ୍ଟର ର ପରିଚାଳକଙ୍କୁ ଗିରଫ କରାଯାଇଛି । ରାଜ୍ୟର ସମସ୍ତ କୋଚିଂ ସେଣ୍ଟର କୁ ବନ୍ଦ କରାଯାଇଛି ।ଫାୟାର ସେଫଟି ପ୍ରମାଣପତ୍ର ଦେବା ପରେ ଯାଇଏହି କୋଚିଂ ସେଣ୍ଟର କୁ ଖୋଲିବା ଦିଗରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ସୁରଟ୍ର ପୋଲିସ କମିଶନର ସତୀଶ  ଶର୍ମା କହିଛନ୍ତି ।