ବାଲୁଖଣ୍ଡ ଅଭୟାରଣ୍ୟ ରେ ଅସୁରକ୍ଷିତ ହୋଇପଡିଛନ୍ତି ବିରଳ କୃଷ୍ଣସାର ମୃଗ ।ସାମୁଦ୍ରିକ ବାତ୍ୟା ଫୋନି ସେମାନଙ୍କ ଆହାର ଓ ବିଚରଣ ସ୍ଥଳ କୁ ଧ୍ୱସ୍ତ କରିଛି । ପ୍ରଚଣ୍ଡ ଖରା ତାତି ରେ ସେମାନେ ଆଉଟୁ ପାଉଟୁ ହେଉଥିବା ବେଳେ ବନବିଭାଗ ପକ୍ଷରୁ କେତେକ ପଦକ୍ଷେପ ନିଆଯିବ ବୋଲି ସୂଚନା ମିଳିଛି । ସେମାନଙ୍କ ପାଇଁ ଡ଼ାଲପତ୍ର ରେ ଛାମୁଣ୍ଡିଆ ତିଆରି କରାଯିବ । ପିଇବା ପାଇଁ ବିଭିନ୍ନ ସ୍ଥାନରେ ଜଳପାତ୍ର ର ବ୍ୟବସ୍ଥା କରାଯିବ ବୋଲି ପ୍ରଧାନ ବନ ସଂରକ୍ଷକ ଅଜୟ କୁମାର ମହାପାତ୍ର କହିଛନ୍ତି ।ସୂଚନା ଯୋଗ୍ୟଯେ ଆମ ରାଜ୍ୟରେ କେବଳ ବାଲୁଖଣ୍ଡ ଏବଂଗଂଜାମ ର ଆସିକା,ଭେଟନଇ ,ବେଗୁନିଆପଡା,ଖଲ୍ଲିକୋଟ ବ୍ଲକ ଅଞ୍ଚଳରେ କୃଷ୍ଣସାର ମୃଗ ଦେଖିବାକୁ ମିଳିଥାନ୍ତି । ଏମାନେ ବିରଳ ବନ୍ୟଜନ୍ତୁ ଭାବେ ତାଲିକାଭୁକ୍ତ । ଆସିକା କୃଷ୍ଣସାର ଙ୍କୁ ସୁରକ୍ଷା ଦେବାପାଇଁ ବନବିଭାଗ ପକ୍ଷରୁ ୫୦ ଏକର ଜମି କିଣାଯାଇ ସେମାଙ୍କ ପସନ୍ଦର ଶସ୍ୟ ଚାଷ କରାଯିବ । ତେବେ ପୂର୍ବରୁ ନମୁନା ଭାବେ ୧ ଏକର ଜମିରେ ଏହି ପ୍ରକାର ଚାଷ ଆରମ୍ଭ ହେବ ବୋଲି ପିସିସିଏଫ ଅଜୟ କୁମାର ମହାପାତ୍ର ସୂଚନା ଦେଇଛନ୍ତି ।
16/05/2019