ସାକ୍ଷୀଙ୍କୁ ମିଳୁନି ସୁରକ୍ଷା,ସରକାର ଆରମ୍ଭ କରିବେ ସ୍ୱତନ୍ତ୍ର ଯୋଜନା
ବିଭିନ୍ନ ବିଚାରାଧୀନ ମାମଲା ଗୁଡିକର ସାକ୍ଷୀ ମାନେ ନିଜକୁ ସୁରକ୍ଷିତ ମନେ କରି ପାରୁନାହାନ୍ତି । ଅନେକ ସମୟରେ ସେମାନଙ୍କ ଉପରେ ଆକ୍ରମଣ ହେଉଥିବାର ଖବର ମିଳୁଛି। ବହୁ ମାମଲା ର ଗୁରୁତ୍ୱପୂର୍ଣ୍ଣ ସଖି ମାନଙ୍କୁ ଅଦାଲତରେ ପହଂଚିବା ପୂର୍ବରୁ କିଭଳି ଟାର୍ଗେଟ କରାଯାଉଛି ତାହାର ଅନେକ ନଜିର ଆମ ସମାଜରେ ଦେଖିବାକୁ ମିଳିଛି ।ଏହାକୁ ଦୃଷ୍ଟିରେ ରଖି ବିଚାରାଧୀନ ଥିବା ମାମଲାର ସାକ୍ଷୀଙ୍କୁ ସରକାରଙ୍କ ପକ୍ଷରୁ ସୁରକ୍ଷା ଦିଆଯିବା ଲାଗି ନିଷ୍ପତ୍ତି ହୋଇଛି । ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି ଯେ ଯଦି କୌଣସି ମାମଲାର ସାକ୍ଷୀ ନିଜକୁ ସୁରକ୍ଷିତ ମନେ କରୁ ନାହାନ୍ତି ତେବେ ସେମାନେ ଏନେଇ ସରକାରଙ୍କ ନିକଟରେ ଅପିଲ୍ କରିପାରିବେ । ସରକାରଙ୍କ ପକ୍ଷରୁ ସେମାନଙ୍କୁ ଆବଶ୍ୟକୀୟ ସୁରକ୍ଷା ଯୋଗାଇ ଦିଆଯିବ।ଏନେଇ ଖୁବ୍ ଶୀଘ୍ର ଜିଲ୍ଲାଗୁଡ଼ିକରେ ସରକାରଙ୍କ ପକ୍ଷରୁ ଓ୍ୱିଟ୍ନେସ ପ୍ରୋଟେକ୍ସନ ସ୍କିମ୍ କାର୍ଯ୍ୟକାରୀ ହେବାକୁ ଯାଉଛି । ପ୍ରତ୍ୟେକ ଜିଲ୍ଲାର ଦୌରାଜଜ୍ଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯିବ । ଯଦି କୌଣସି ସାକ୍ଷୀ ସୁରକ୍ଷା ପାଇଁ ଏହି ପ୍ରୋଟେକ୍ସନ କମିଟିରେ ଆବେଦନ କରନ୍ତି । ତେବେ ସେମାନଙ୍କ ଆବେଦନ ଅନୁଯାୟୀ ଘଟଣାରେ କେତେ ସତ୍ୟାସତ୍ୟ ରହିଛି ତାହାକୁ ନେଇ ତଦନ୍ତ ଆରମ୍ଭ କରାଯିବ । ତଦନ୍ତ ପରେ ଯଦି ସାକ୍ଷୀଙ୍କୁ ବିପଦ ଥିବା ପ୍ରମାଣିତ ହୁଏ ତେବେ ୫ ଦିନ ମଧ୍ୟରେ ସାକ୍ଷୀଙ୍କୁ ସୁରକ୍ଷା ପ୍ରଦାନ କରାଯିବ । ଏନେଇ ସରକାରଙ୍କ ପକ୍ଷରୁ ନିଷ୍ପତି ନିଆଯାଇଛି । ମାମଲା ପରିଚାଳନା ରେ ସାକ୍ଷୀଙ୍କ ଅବଦାନ ଉଲ୍ଲେଖନୀୟ । ଜଣେ ସାକ୍ଷୀଙ୍କ ସଚୋଟତା ଅପରାଧୀକୁ କାଠଗଡ଼ା ପର୍ଯ୍ୟନ୍ତ ଟାଣିଆଣି ଦଣ୍ଡ ପ୍ରଦାନ କରିପାରିବାରେ ସହାୟତା କରିଥାଏ ।
10/07/2019