ତେଲେଙ୍ଗାନା ଗ୍ରାମସଭା ର ନିଆରା ନିଷ୍ପତ୍ତି,ବଲାତ୍କାରୀ ଙ୍କୁ ଗାଁ ମନା
ମହିଳା ଏବଂ ଶିଶୁଙ୍କ ଉପରେ ବଢୁଥିବା ଯୌନ ଅପରାଧ ଘଟଣାକୁ ରୋକିବା ଦିଗରେ ତେଲେଙ୍ଗାନାର ଏକ ଗ୍ରାମସଭା ଏକ ବଡ଼ ନିଷ୍ପତ୍ତି ଗ୍ରହଣ କରିଛନ୍ତି । ଯୌନ ନିର୍ଯ୍ୟାତନକାରୀ କୌଣସି ପ୍ରକାରେ ବି ଗାଁ ସୀମା ମାଡ଼ିପାରିବେ ନାହିଁ ବୋଲି ସର୍ବସମ୍ମତି ନିଷ୍ପତ୍ତି ଗ୍ରହଣ କରାଯାଇଛି । ତେଲେଙ୍ଗାନା ସାଙ୍ଗାରେଡ୍ଡି ଜିଲ୍ଲା କାନୂକାନ୍ତା ଗ୍ରାମ ପଂଚାୟତ ଏଭଳି କଠୋର ନିଷ୍ପତ୍ତି ନେବାକୁ ବାଧ୍ୟ ହୋଇଛି ବୋଲି ଜଣେ ବୟସ୍କ ନିଜ ପ୍ରତିକ୍ରିୟା ରେ ସୁଚାଇଥିଲେ। ସେ କହିଥିଲେ ଯେ ଝିଅ ବୋହୁଙ୍କ ଉପରେ ଲୋଲୁପ ଦୃଷ୍ଟି ପକାଉଥିବା ବ୍ୟକ୍ତି ଓ ତାର ପରିବାର ପାଇଁ ଏହି ଗାଁରେ ଜାଗାନାହିଁ। ଗାଁର ମହିଳା ଓ ଝିଅ ମାନଙ୍କ ସୁରକ୍ଷା ଆମ ପାଇଁ ପ୍ରାଥମିକତା ରଖେ ବୋଲି ଗ୍ରାମସଭା ପକ୍ଷରୁ କୁହାଯାଇଛି । ଗାଁରେ ଯେ କେହି ଦୁଷ୍କର୍ମ ଓ ଅଶ୍ଳୀଳ ଆଚରଣ ପ୍ରଦର୍ଶନ କଲେ ଦଣ୍ଡିତ ହେବେ । ତାଙ୍କୁ ଗ୍ରାମ ପଂଚାୟତରେ ହାଜର କରାଯିବ । ପଂଚାୟତ ପୋଲିସ ହାତରେ ହସ୍ତାନ୍ତରିତ କରିବ। ଦଣ୍ଡିତ ବ୍ୟକ୍ତି ଓ ତାର ପରିବାର ଗ୍ରାମ ସୀମା ମାଡି ପାରିବେ ନାହିଁ। ସାରା ଦେଶରେ ଯୌନ ଵ୍ୟଭିଚାରୀଙ୍କ ପ୍ରତି କଠୋର ଆଭିମୁଖ୍ୟ ଗ୍ରହଣ କରାଯାଇଥିବା ବେଳେ କାନୂକାନ୍ତା ପଂଚାୟତ ଅସଲ ରୂପାୟନ ପାଇଁ ଆଗକୁ ଆସିଥିବା କହନ୍ତି ଏହାର ସରପଞ୍ଚ ନିଲମ୍ମା ଓ ନାଏବ ସରପଞ୍ଚ ଗୋବର୍ଧନ ରେଡ୍ଡୀ । ନାବାଳିକାଙ୍କୁ ପ୍ରତି ଶୂନସହନଶୀଳତା ନୀତିକୁ ଆପଣେଇଥିବା ଏହି ଗ୍ରାମସଭା ର ନିଷ୍ପତ୍ତି ରାଜ୍ୟରେ ଏବେ ହଇଚଇ ସୃଷ୍ଟି କରିଛି ।
23/07/2019