କେରଳ ଛୁଇଁଛି ମୌସୁମୀ ବାୟୁ । ମୌସୁମୀର ଆଗମନ କୁ ନେଇ ଚାଷୀ ଠାରୁ ଅର୍ଥନୀତିଜ୍ଞ ଙ୍କ ଯାଏଁ ସମସ୍ତେ ଅପେକ୍ଷା କରିଥିବା ବେଳେ ଆତଙ୍କ ସୃଷ୍ଟିକାରୀ ଆରବ ସାଗରରେ ଅବପାତ ର ରୂପ ନେଇ ଅଗ୍ରସର ହେଉଛି ବାତ୍ୟା ବାୟୁ । ବାୟୁ କୁ ନେଇ କେରଳ,କର୍ଣ୍ଣାଟକ,ମହାରାଷ୍ଟ୍ରରେ ହାଇ ଆଲର୍ଟ ଜାରି କରାଯାଇଛି । ଗତ ସପ୍ତାହରେ ଆରବ ସାଗରରେ ସୃଷ୍ଟି ହୋଇଥିବା  ଲଘୁଚାପ ଅବପାତରେ ପରିଣତ ହୋଇଛି ଏବଂମଙ୍ଗଳବାର ଦିନ ଏହା ବାତ୍ୟା ରୂପ ହେବ । ବୁଧବାର ସକାଳକୁ ଏହା ଅଧିକ ଉଗ୍ର ରୂପ ଧାରଣ କରି ଭୀଷଣ ସାମୁଦ୍ରିକ ବାତ୍ୟାରେ ପରିଣତ ହେବ ବୋଲି ଆଇଏମ୍‌ଡି ପକ୍ଷରୁ କୁହାଯାଇଛି । ଏହି ବାତ୍ୟାର ନାଁ ‘ଭାରତ ଦେଇଥିବା  ନାମ ଅନୁସାରେବାୟୁ ରଖାଯାଇଛି ।

ବାତ୍ୟାର ପ୍ରଭାବରେ କେରଳ, କର୍ଣ୍ଣାଟକ ଏବଂ ମହାରାଷ୍ଟ୍ରର ଉପକୂଳବର୍ତ୍ତୀ ଅଞ୍ଚଳରେ ୬ ମିଟର ଉଚ୍ଚତାରେ ଜୁଆର ଉଠିବ ବୋଲି ପାଣିପାଗ ବିଭାଗ ସତର୍କ କରାଇଛି। ଗୁରୁବାର ଅପରାହ୍ନ ସୁଦ୍ଧା ବାତ୍ୟା ଗୁଜରାଟ ଉପକୁଳବର୍ତ୍ତି ଅଞ୍ଚଳରେ ପହଞ୍ଚିବ। ଏନେଇ କେରଳ , କର୍ଣ୍ଣ‌ାଟକ, ମହାରାଷ୍ଟ୍ର ଏବଂ ଗୁଜରାଟରେ ହାଇ ଆଲର୍ଟ ଜାରି ହୋଇଛି। ବାତ୍ୟା ପ୍ରଭାବରେ ଲାକ୍ଷାଦ୍ବୀପରେ ଆସନ୍ତା ୩ ଦିନ ମଧ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ଥିବାବେଳେ କେବଳ ଉପକୂଳ କର୍ଣ୍ଣାଟକ ଏବଂ କେରଳକୁ ବର୍ଷା ଏବଂ ବାତ୍ୟା ପାଇଁ ପ୍ରସ୍ତୁତ ରହିବାକୁ କୁହାଯାଇଛି। ଜୁନ୍‌ ୧୧ରେ ଲାକ୍ଷାଦ୍ବୀପ, କେରଳ , କର୍ଣ୍ଣାଟକ ଏବଂ ଦକ୍ଷିଣ ମହାରାଷ୍ଟ୍ରରେ ଘଣ୍ଟାକୁ ୪୦-୬୦ କିମି ବେଗରେ ପବନ ବହିବ ଏବଂ ଜୁନ୍‌ ୧୨ରେ ପବନର ‌ବେଗ ବଢ଼ି ୭୦-୯୦ ଏବଂ ୧୩ ତାରିଖରେ ପବନର ବେଗ ୯୦-୧୧୦ ରହିବ ବୋଲି ସୂଚନା ମିଳିଛି। ମତ୍ସ୍ୟଜୀବୀମାନଙ୍କୁ ସମୁଦ୍ର ମଧ୍ୟକୁ ଯିବାକୁ ବାରଣ କରାଯାଇଛି। ତେବେ ଓଡ଼ିଶା ପ୍ରତି କୌଣସି ବିପଦ ନାହିଁ।