ମାଲକାନଗିରି ରେ ବନ୍ୟା ଭଳି ସ୍ଥିତି,୨ ଦିନ ଲାଗି ଜିଲ୍ଲାର ସବୁ ସ୍କୁଲ କୁ ଛୁଟି ଘୋଷଣା କଲେ ଜିଲ୍ଲାପାଳ
ମାଲକାନଗିରିରେ ଦାଉ ସାଧିଛି ଲଗାଣ ବର୍ଷା । ଜିଲ୍ଲାରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି ।ଏହାକୁ ଦୃଷ୍ଟିରେ ରଖି ଜିଲ୍ଲାର ସମସ୍ତ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ସୁରକ୍ଷା ଓ ନିରାପତ୍ତା ପାଇଁ ଜିଲ୍ଲାପାଳ ବିଇଓଙ୍କ ଜରିଆରେ ପ୍ରତ୍ୟେକ ପ୍ରାଥମିକ,ମାଧ୍ୟମିକ ଓ ହାଇସ୍କୁଲ ର ପ୍ରଧାନ ଶିକ୍ଷକ ଙ୍କୁ ଚିଠି ଲେଖି ୨ ଓ ୩ ତାରିଖ ରେ ସ୍କୁଲ ବନ୍ଦକରିବା ପାଇଁ ପରାମର୍ଶ ଦେଇଛନ୍ତି ।ମାଲକାନଗିରି ଜିଲ୍ଲାରେ ପୋଟେରୁ ଓ ପାଙ୍ଗମ ନଦୀର ଜଳସ୍ତର ରାସ୍ତା ଉପରକୁ ଉଠିଆସିଛି । ମାଲକାନଗିରି ରୁ କାଲିମେଳା,ବାଲିମେଳା,ଏମଭି-୧୧,କୋରୁକୋଣ୍ଡା ଏବଂ ବାଙ୍ଗୁରିକୋଣ୍ଡା ଯୋଗାଯୋଗ ବିଛିନ୍ନ ହୋଇଯାଇଛି ।ଏଭଳି ସ୍ଥିତିରେ ସ୍କୁଲ ଖୋଲିବା ଠିକ ହେବନି ବୋଲି କହିଛନ୍ତି ମାଲକାନଗିରି ଜିଲ୍ଲାପାଳ । ତେବେ ଯେଉଁମାନେ ଆବାସିକ ବିଦ୍ୟାଳୟ ଗୁଡିକରେ ରହୁଛନ୍ତି ସେମାନଙ୍କୁ ଠିକ ଭାବେ ଖାଦ୍ୟପେୟ ଦେବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି । ପ୍ରଧାନ ଶିକ୍ଷକ ଓ ହଷ୍ଟେଲ ଦାୟିତ୍ୱରେ ଥିବା ଶିକ୍ଷକ ମାନଙ୍କୁ ପିଲାଙ୍କ ତଦାରଖ କରିବା ସହିତ ଆବଶ୍ୟକସ୍ଥଳେ ଗ୍ରାମବାସୀଙ୍କ ସହଯୋଗ ନେବାକୁ କୁହାଯାଇଛି ।
02/08/2019